hozirjavob

1. Savol, luqma va shu kabilar gap-soʻzlarga oʻrinli tarzda va tezda javob qaytarish qobiliyatiga ega.

1. Uning sergʻayrat, hozirjavob, fikri oʻtkir ekanligini oʻqituvchilar bilishar edi. Mirmuhsin, Umid

2. Hojatxonaga kirganlar kalga hazil qilib, uni uyaltirmoq-chi boʻlar, lekin surbet va hozirjavob kal, boʻsh kelmay, har bir gapga oʻn gap bilan javob qilardi. M. Muhammadjonov, Turmush urinishlari

3. U nihoyatda serharakat, hozirjavob — gap bilan yengib boʻlmaydigan kimsa edi. Mirmuhsin, Meʼmor

2. Hayot, davr talabiga oʻz ish-amali bilan tezda javob beruvchi.

1. Ustozning publitsistik asarlari bilan tanishar ekansiz, u benihoya hozirjavob, faol ijod qilganligiga amin boʻlasiz. Gazetadan

2. Ulkan adabiyotimizning dangalchi hozirjavob qismi boʻlgan satira-yumorning vazifasi Tiyanshan togʻidan ham baland. Mushtum