maʼraka

1. din. Motam marosimlarining yigʻindisi va ularning har biri.

1. Gulsumbibi qizining butun maʼrakasini oʻtkazgandan keyin, qabrga haydasalar ham dadil borishga tayyorligini soʻzladi. Oybek, Tanlangan asarlar

2. Sobir Odil buvaning maʼrakalariga oʻzi bosh boʻldi. R. Fayziy, Choʻlga bahor keldi

2. Toʻy, tomosha va shu kabilar munosabati bilan boʻladigan yigʻin, marosim.

1. Shu-shu boʻldi-yu, Norbuvining martabasi oshib, har bir maʼraka uning maslahatisiz boʻlmaydigan boʻlib qoldi. H. Shams, Dushman

3. Jang maydoni; jang.

1. Maʼraka —mardniki. Maqol

4. koʻchma Siyosiy yoki xoʻjalik ahamiyatiga ega boʻlgan biror ishni amalga oshirish uchun oʻtkaziladigan yalpi harakat; kampaniya,

1. Terim maʼrakasi boshlangan kunlardanoq Olimjon ogʻizga tushib qoldi. H. Nazir, Qanotlar

2. Shundan keyin kolxozlashtirish maʼrakasiga oid masalalarni muhokama qilishdi. H. Shams, Dushman