nazorat

1. Biror ishning, narsaning ahvoli, borishi, kishining yurish-turishi va shu kabilar ustidan doimo kuzatish, tekshirish.

1. Nazoratdan chetda qolgan ish. Texnika nazorati. Nazorat qilmoq. Nazorat ostiga olmoq.

2. Kultivatsiya qilib joʻyak oladigan universallar ishi ustidan alohida nazorat oʻrnatildi. Sh. Rashidov, Boʻrondan kuchli

3. Tergovning borishini shaxsan Xalilovning oʻzi nazorat qilmoqchi. I. Rahim, Ixlos

4. [Said] Malohat bilan sudlashibdi chogʻi, oʻzi ham militsiya nazoratida emish. A. Muxtor, Chinor

2. eskirgan Shunday ish olib boruvchi muassasa, boʻlim; inspeksiya.

1. Safarov avvallari Taftish nazoratida nozir boʻlib ishlaganida ham, otpuska olmas, oʻz sogʻligʻini oʻylamas edi. J. Sharipov, Xorazm

3. eskirgan Komissarlik, nozirlik, ministrlik.

1. [Obidiyga] Maorif nazoratidan kattagina bir vazifani berishdi. A. Qahhor, Qoʻshchinor chiroqlari