nusxa

1. Bir turdagi narsalar haqida tasavvur beradigan namuna.

1. Mollarning nusxalari.

2. Ular buni [albomni] varaqlab, kerakli gazlamalarning parcha-purcha nusxalarini koʻrib, (material) tanlaydilar. Oybek, Tanlangan asarlar

2. Bir xil qilib yasash, koʻchirish uchun tayyorlangan buyum namunasi, andaza; qolip.

1. Endigi xatni nihoyatda ehtiyot bilan, nusxaga qarab yozdirishni koʻnglidan oʻtkazdi. A. Qodiriy, Oʻtgan kunlar

3. Gul, naqsh va shu kabilarning turi; shunday gul, naqsh turi bilan ishlangan mahsulot.

1. Doʻppining chust nusxasi.

2. Yagona mashaqqati — qizga bezak mollari tayyorlash, yangi nusxalar toptirish, chevarlarga tiktirish va hokazodan iborat. Oybek, Tanlangan asarlar

4. Bosma yoki yozma asarning har bir donasi.

1. Kitob ming nusxa bosildi.

2. Toshkent-da bu kitobdan faqat ikki nusxa bor, xolos. S. Ahmad, Hukm

3. Chagʻaniyon gazetasi qariyb 8 ming nusxada chop etiladi. Gazetadan

5. Biror narsaning aslidan olingan koʻchirma.

1. Bayonnoma nusxasi. Nusxa olmoq. Nusxa koʻchirmoq,.

6. s.t . Biror salbiy toifaga mansub odam.

1. Umuman olganda, tuhmatchi nusxalar yoʻqolib boryapti. Sh. Rashidov, Boʻrondan kuchli

7. sheva Aft, bashara, angor.

1. Nusxang qursin. Nusxangni koʻrsatma.