o‘ynoqi

1. Tinch turmaydigan, serharakat; shoʻx.

1. Soytoʻpining ayollari xushroʻy, oʻynoqi boʻladi. N. Qobil, Unutilgan sohillar

2. Maxsus mulozimlar oʻynoqi otni yetaklab keltirdilar. Oybek, Navoiy

2. Koʻchma Yengil va yoqimli; shoʻx.

1. Bahorning oʻynoqi yellari.

2. Mashinaning darchasidan kirayotgan oʻynoqi shabada dillarni qitiqlaydi. T. Rasulov, Marhamat

3. Zavq-shavq baxsh etadigan; shoʻx.

1. Safar-da hamrohlariga latifalar, oʻynoqi qoʻshiqlar aytib, kuldirib yuradi. M. Osim, Elchilar

2. Bir ozdan soʻng Xorazmning oʻynoqi kuylari chalinib, shoʻx lazgi boshlandi. J. Sharipov, Xorazm

4. koʻchma Oyogʻi yengil, suyuq.

1. — Pochchangning feʼli-atvorini bilasan-ku, oʻlguday yengil, oʻynoqi, — dedi Halima. H. Nazir, Oʻtlar tutashganda

2. Jamshid bazmini qurdik denglar. Jonon j-ja oʻynoqiga oʻxshaydi, sizni ham ilib ketibdi-da! S. Anorboyev, Oqsoy