Izoh.uz saytida qadam so‘zining izohi va ma’nolari

qadam

So‘zni do‘stlar
bilan ulashing

1. Yurish jarayonidagi har bir oyoq tashlash, oyoq bosish; odim.

Ildam qadam. Shaxdam qadam.
Ochil bu gaplarning menga aloqasi yoʻq, deganday qilib, qadamini tezlashtirdi. P. Qodirov, Uch ildiz
Yonidagi qorabayir buni sezdi shekilli, bir necha odim oʻtib, qadamini sekinlashtirdi. M. Ismoiliy, Fargʻona tong otguncha
Shu vaqt boloxona narvonida gurs-gurs qadam tovushi eshitildi. H. Gʻulom, Mashʼal
— Mardonqul aka, — dedi u boshliqning yurishiga qadamini moslab A. Muxtor, Boʻronlarda bordek halovat
Saodatxon bir-ikki qadam bosib, yana orqasiga qaytdi. S. Zunnunova, Yangi direktor

2. Har bir qadam oraligʻiga teng masofa, oraliq masofa.

— Assalomu alaykum, — dedim ostonadan bir qadam narida turib. E. Raimov, Ajab qishloq
Sodiq aminning kapasi ungurdan yuz qadamcha gʻarbda, togʻning soyabon boʻlib osilib tushgan kattakon toshi ostida edi. M. Ismoiliy, Fargʻona tong otguncha

3. koʻchma Ish-faoliyat, rivojlanish va shu kabilarda olgʻa siljish, ilgarilash.

Oʻrtoq Ahmedov, bu tajriba paxta agrotexnikasida olgʻa qoʻyilgan katta qadam, deydi. A. Qahhor, Qoʻshchinor chiroqlari

4. koʻchma Biror joy, tomonga qaratilgan, yoʻnalgan yurish; tashrif.

Uning bu yerdan qadami uzildi (kesildi). U biznikiga qadam bosmay qoʻydi.
Agar qadamimni boy sezib qolsa, Gulnorning ahvoli ogʻirlashmaydimi? Oybek, Tanlangan asarlar
Xayriyat, xayriyat, Abdurasul! Sening ham qadaming biz tomonlarga tushar ekan P. Tursun, Oʻqituvchi
Sening uchun keldi sovchi qadami Bahrom va Gulandom

5. koʻchma Ish-faoliyatdagi har bir xatti-harakat; amal.

Odam baʼzan bir marta notoʻgʻri bosib qoʻygan qadami uchun umrbod javob beradi. Oʻ. Hoshimov, Qalbingga quloq sol
Axir, kam gapirib, qadamini bilib bossa, ishini bilib qilsa va zimdan qora niyatlar yoʻlidan keta bersa, uni darhol bilish osonmi, axir? Sh. Rashidov, Boʻrondan kuchli

qadam soʻzi qatnashgan jumlalar:

Bir qadam

1. aynan Qadam 2.

Bir qadam narida turibdi;

2. Juda qisqa oraliq, oraliq masofa haqida.

Oʻzingiz koʻrdingiz, bugun guzardan bir qadam ham jilganim yoʻq, guvoh boʻlarsiz deyman-da. M. Ismoiliy, Fargʻona tong otguncha

Qadam bosmoq

1. Qadamlab yurmoq.

Turgʻunoy tizzasini ushlab, zoʻrgʻa qadam bosardi. A. Qahhor, Maston

2. Biror joy, makonga bormoq, kelmoq; tashrif buyurmoq.

Yoʻq, amaki, uyga endi bir umr qadam bosmayman. S. Ahmad, Ufq
Bugun sakkiz kun boʻldi, qadam bosmaysiz-a? S. Siyoyev, Yorugʻlik

3. Ish-faoliyatda muayyan tarzda ish tutmoq, xatti-harakat qilmoq.

oʻsha bosgan nojoʻya qadami boshiga balo boʻladigan boʻldi. A. Qahhor, Qoʻshchinor chiroqlari

Qadam olish

Ish-faoliyatda, hayotda oʻzini tutish, bundagi oʻziga xos xatti-harakat, holat.

Ikkalasining kayflari balandmi yo Opa keltirgan xushxabar esankiratib qoʻyganmi, ishqilib, qadam olishlari boshqacha. O. Yoqubov, Larza
Abdusamad qorining soʻnggi kunlardagi qadam olishi Oʻrmonjonning har ikkala taxmini ham toʻgʻri ekanini aniq koʻrsatib turar edi. A. Qahhor, Qoʻshchinor chiroqlari

Qadam otmoq (yoki tashlamoq)

1. Qadam bosib yurmoq, odim otmoq.

Ikkala ot bir qiyosda baravar qadam tashlab borar edi. A. Qahhor, Asror bobo

2. koʻchma Siljimoq, yurmoq, bormoq.

Qadam ranjida qilmoq

Ustoz yozuvchi xotirasini eʼzozlash uchun qalam sohiblari, olimlar muzeyga qadam ranjida qildilar. Gazetadan

Qadam tashlamoq

aynan Qadam bosmoq 1; qadam qoʻymoq.

Maqsadsiz tashlangan qadam — oʻksiz miltiq bilan ovga chiqishdek gap. Shukrullo, Javohirlar sandigʻi
Oʻtgan yil bilan ham xayrlashdik. Yangi yilning boʻsagʻasiga qadam tashladik. N. Safarov, Olovli izlar

Qadam qoʻymoq

1. aynan Qadam bosmoq 1, 2.

U uyning zinasiga endi qadam qoʻyganda, poxol ostidan chiqqan kampir: — Hoy, bolam, nemis bor! — deb qichqirdi. A. Qahhor, Oltin yulduz
Doʻst bilan obod uying, Gar boʻlsa u vayrona ham. Doʻst qadam qoʻymas esa, vayronadur koshona ham. E. Vohidov

2. Jurʼat qilmoq; kirishmoq, boshlamoq.

Bu ishga qadam qoʻymasdan ilgari, bir karra sizning oldingizdan oʻtish, raʼyingizni bilishga toʻgʻri keldi. Oybek, Tanlangan asarlar

3. Biror yoshga toʻlib, keyingisiga oʻtmoq.

Oʻn ikkiga qadam qoʻymoq.
O, uchga qadam qoʻyib qoldi-ku. Tili biram shirin boʻlib chiqqanki, sira qoʻya berasiz. M. Ismoiliy, Fargʻona tong otguncha

Har qadamda

1. Har bir qadamga teng masofada.

Har qadamda belgi qoʻyib borardi;

2. Juda koʻp, oralari juda qisqa, tigʻiz joylashgan narsalar haqida.

Masjidi jomiy boʻylab har qadamda gadoy, qalandarlar, tilanchi bolalar, kampirlar Oybek, Tanlangan asarlar

Qadamini uzmoq

Bormaydigan, kelmaydigan boʻlmoq.

Nega biznikidan qadam uzib ketdingiz, yo koʻngil qolarlik ish oʻtdimi bizdan? K. Yashin, Hamza

QADAM so‘zining sinonimlarini Sinonim.uz saytida qidirib ko‘ring.

ҚАДАМ so‘zining kirillcha yozilishi Lotin.uz sayti tomonidan taqdim qilingan.

Saytdagi o‘rni

12480

So‘zning teskari yozilishi

madaq

Harflar soni

Ko‘rishlar soni

965

qadam so‘zi ishlatilgan saytlarni internetda qidiring

Google Яндекс Bing

Siz uchun qiziq bo‘lishi mumkin bo‘lgan so‘zlar

abonement aʼzo abssess abjir achchiq aʼyon acha Boburnoma abadiylashtiril

qadam so‘zining ma’nosi va izohi bilan batafsil tanishib chiqamiz. O‘ylaymizki, endi siz Izoh.uz saytidan foydalanib, qadam so‘zini lotin va kirill alifbosida to‘g‘ri va o‘z o‘rnida ishlata olasiz.

Alifbo bo‘yicha

A B D E F G H I J K L M N O P Q R S T U V X Y Z O‘ G‘ Sh Ch

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.

Batafsil

Tasodifiy so‘zlar

Hammasini ko‘rish

Yangi so'zlar