qabziyat

1. Ich qotishi, uzoq vaqt ich kelmasligi yoki qiyinchilik bilan kelishi.

1. Echki goʻshti ham parhez, uni qabziyat boʻlganda yeyilsa, ichni suradi. K. Mahmudov, Oʻzbek tansiq taomlari

2. Qabziyat vaqtida isteʼmol qilingan ovqat moddalari ichaklarda uzoq, — bir necha kun turib qoladi. N. Ismoilov, Kasallarni parvarish qilish

2. eskirgan Diqqat oshgan, yurak siqilgan holat; dilgirlik.

1. Toshkent Oʻrta Osiyoning eng jonli bir shahri tomosha qilib, vaqtingni chogʻ qilish mumkin, biroq, menda nimadandir diqqatlik, qabziyat hamma yogʻimni oʻrab olgan. Mushtum

2. Men alamzada shoʻrlikni ogʻir qabziyatda koʻrgan kampir turq-tarovatingizni koʻrib, har kuni chorak etdan tushyapman, deb meni bisyor tanglikka soldi. Gʻayratiy, Dovdirash