Izoh.uz saytida qaror so‘zining izohi va ma’nolari

qaror

So‘zni do‘stlar
bilan ulashing

1. Biror ish, masala va shu kabilar yuzasidan qabul qilingan xulosa; amalga oshirish lozim topilgan qatʼiy fikr; ahd, toʻxtam.

Ayolning istagi zoʻr, qarori qatʼiy edi. M. Xayrullayev, Tilla marjon
[Hasanali:] Men sizni qutidorning qiziga uylantirishga qaror qilib, qarorimni bugun kechasi Ziyo shohichi bilan amalga oshirdim. A. Qodiriy, Oʻtgan kunlar

2. Rasmiy organ, tashkilot, majlis, mansabdor shaxs va shu kabilarning biror ish, masala yuzasidan bamaslahat qabul qilgan toʻxtami, hukmi.

Transport boʻyicha qabul qilingan barcha qarorlar harakatdagi sostavlardan toʻla va yaxshi foydalanishga qaratilgan. Gazetadan
paxtaga bormagan bir bolani institutdan haydashga qaror chiqarishgan Oʻ. Hoshimov, Qalbingga quloq sol
Bu haqda gap-soʻz boʻlishi mumkin emas. Qarorning loyihasi ham bor. J. Sharipov, Xorazm

3. Osoyishta, bezovta boʻlmagan hol, osoyishtalik; orom.

Yosh yurak asta-sekin qarorini yoʻqota bordi. M. Ismoiliy, Fargʻona tong otguncha
Har dam kuyarman, yodimga tushsang, Bir koʻrmaguncha yoʻqdir qarorim. Muqimiy.

4. kitobiy Turarjoy, toʻxtaydigan joy.

Hali munda ne manzilda qaroring? Musofir mehmonim, qaydan boʻlasan? Ravshan

qaror soʻzi qatnashgan jumlalar:

Qaror bermoq

kam qo‘llanadigan, aynan Qaror qilmoq.

Koʻp oʻylash natijasida Poshsha ham oʻz qarorini berib, darhol ishga kirishgan edi. Choʻlpon, Kecha va kunduz
Men oʻz jonim uchun sening hayotingni qurbon qilmaslikka qaror berdim. K. Yashin, Hamza

Qaror qilmoq

yoki Maʼlum (qatʼiy) fikrga (toʻxtamga) kelmoq.

Nuri fursatni qochirmaslik uchun hiylani ishlatishga qaror qildi. Oybek, Tanlangan asarlar
Sharof Rashidov Mirzachoʻlda boʻlganida, qashqadaryolik choʻlquvarlarni ziyorat qilib oʻtishga qaror qildi. Gazetadan

Qarorga kelmoq

Biror fikr, toʻxtamga kelmoq, qaror qilmoq.

U Avazdan har ne kutgan, ammo bunchalik qarorga kelar, deb oʻylamagan edi. S. Siyoyev, Yorugʻlik

Qaror topmoq

1. Tinchimoq, orom topmoq.

Siz kabi nodir shaxsni amirlik rutbasi oliysi bilan sarafroz qilmaguncha, koʻnglimiz qaror topmas. Oybek, Navoiy

2. Oʻrnashmoq, oʻrin olmoq.

Turmushlari yaxshi boʻlgan joylarda esa qaror topib qolaverganlar. Yo. Xayitov, M. Rahmon, Hayot-mamot
Har kim oʻz darajasiga koʻra kar vaqt oʻtiradigan oʻrnida qaror topdi. Oybek, Navoiy

3. Yuzaga chiqmoq (kelmoq), amalga oshmoq.

Sanʼatda milliy shakl tarixan qaror topdi Gazetadan
Koʻp oʻtmay dashtda kam yangicha tartiblar qaror topa boshladi. Gazetadan

Qarori yoʻq

1. Tinchi-halovati yoʻq.

Qarorim yoʻq boray desam ;

2. Sabr-toqati yoʻq; beqaror;

3. Bir ish yoki joyda qoʻnim bilmaydigan; beqaror;

4. Gap-vaʼdasida tayinsiz; subutsiz, tuturigʻi yoʻq.

QAROR so‘zining sinonimlarini Sinonim.uz saytida qidirib ko‘ring.

ҚАРОР so‘zining kirillcha yozilishi Lotin.uz sayti tomonidan taqdim qilingan.

Saytdagi o‘rni

1285

So‘zning teskari yozilishi

roraq

Harflar soni

Ko‘rishlar soni

1310

qaror so‘zi ishlatilgan saytlarni internetda qidiring

Google Яндекс Bing

Siz uchun qiziq bo‘lishi mumkin bo‘lgan so‘zlar

abjirlik achchiqtosh achchiqlanish Bundestag aʼzo Qurʼon abituriyent achin abadiylik

qaror so‘zining ma’nosi va izohi bilan batafsil tanishib chiqamiz. O‘ylaymizki, endi siz Izoh.uz saytidan foydalanib, qaror so‘zini lotin va kirill alifbosida to‘g‘ri va o‘z o‘rnida ishlata olasiz.

Alifbo bo‘yicha

A B D E F G H I J K L M N O P Q R S T U V X Y Z O‘ G‘ Sh Ch

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.

Batafsil

Tasodifiy so‘zlar

Hammasini ko‘rish

Yangi so'zlar

Hammasini ko‘rish

Izoh.uz loyihasi haqida

Izoh.uz — O‘zbek tilining xalqona izohli lug‘ati 35 000 dan ortiq so‘zlarning ma’nolari ibora va misollar bilan keltirilgan.

Yillar davomida “O‘zbek tili kuni”ga bag‘ishlab, o‘zbek tilini o‘rganuvchilar, jurnalistlar, tarjimonlar, kopirayterlar, blogerlar va boshqalar uchun foydali loyihalarni ishga tushirishni an’anaga aylantirganmiz. Bizning jamoa Lotin.uz, Imlo.uz, Sinonim.uz, Sarlavha.com loyihalarini hukmingizga havola qilgan.

Batafsil Izoh.uz loyihasi haqida