qiy

1. Qaychi bilan boʻlmoq, qismlarga ajratmoq, kesmoq, qirqmoq.

1. Baxmalni qiymoq. Qogʻozni qiymoq. Tunukani qiymoq.

2. Qaychi olib, uch, enidan qiyasan. O. Qoʻchqorbekov.

2. Zich, tarang tortilish, bogʻlanish va shu kabilar tufayli tana yoki aʼzo ichiga botib jarohatlamoq; oʻyib kirmoq (ip, sim va shu kabilar haqida).

1. Qoʻlimni sim qiyib yubordi.

2. Paqirlar qoʻlimni qiyib yuboray dedi. S. Siyoyev, Yorugʻlik

3. sheva Tandan judo qilmoq, olmoq, kesmoq, chopmoq, uzib tashlamoq.

1. Qarchigʻayman, dushman boshin qiyaman. Alpomish

4. so‘zlashuv tili Aylanma yoʻlni qoʻyib, tikkasiga yurmoq.

1. Burilishlarda yoʻlni qiyib oʻtmoq.

2. Necha togʻning tumshugʻin Qiyib oʻtib boradi. Ravshan

5. koʻchma s.t. Ustalik bilan bajarmoq, mohirlik bilan ado qilmoq, qoyil qilmoq, oʻrinlatmoq, doʻndirmoq, boplamoq.

1. [Mashrabjon] Xushovoz yigit-a. Ashulani rosa qiyadi-da. Sh. Saʼdulla, Ikki bilaguzuk

2. Rosa ovozi bor ekan-da, yoʻlini ham qiyar ekan. Oybek, Tanlangan asarlar

3. Obbo Joʻravoy-ye, ammo-lekin gapni qiyasiz. Yolgʻonni ham rostday qilib gapirasiz. Uygʻun, Hurriyat

6. koʻchma kam qoʻll. Kamaytirmoq, qisman nobud qilmoq, yoʻq qilmoq.

1. Birovning rizqini qiymoq.

2. Saidiy bunga ishonmasa ham, Munisxonning shu harakati uning umridan katta qiydi. A. Qahhor, Sarob

qiy soʻzi qatnashgan jumlalar: