Izoh.uz saytida quloch so‘zining izohi va ma’nolari

quloch

So‘zni do‘stlar
bilan ulashing

1. Yelka balandligida kerilgan har ikki qoʻlning oʻrta barmoq uchlari orasidagi masofa (uzunlik oʻlchovi birligi sifatida).

Bir quloch arqon. Uch quloch yogʻoch.
Hasan soʻfi bu ahvolni koʻrib: — Eh-ha, bu yoq bir quloch past, u yoq bir yarim quloch chamasi baland boʻlsa, toza boʻlgan ekan ishlarimiz! — dedi. M. Ismoiliy, Fargʻona tong otguncha

2. Qulochning ikki qoʻl uchi birlashgan holati; quchoq.

Yerga choʻpni tiqib qoʻysang, koʻkarib, qulochga sigʻmas daraxt paydo boʻladi. Oybek, Tanlangan asarlar
uyum-uyum toʻplab, keng qulochiga siqqancha koʻtarib tashimoqqa boshladi. Oybek, Tanlangan asarlar

3. kam qoʻll. Oʻlchami keng, katta.

U keng yagʻrinli, quloch koʻkrakli, butun dov jussasidan quvvat barq urardi. Oybek, Navoiy
Stepan bulgʻori etikning quloch qadamlariga zoʻrgʻa yetib yurardi. A. Muxtor, Qora-qalpoq qissasi

quloch soʻzi qatnashgan jumlalar:

Tili bir quloch

Hech kim, hech narsadan tap tortmay, andisha qilmay, ogʻziga kelganini gapiraveradigan; tili uzun.

— Hm, ogʻzaki botirlar, soʻllasinlar! — xonning masxaraomuz tovushi eshitildi. — Tillaring bir quloch S. Siyoyev, Avaz

Quloch yozmoq (yoki yoymoq)

1. Ikki yoki bir qoʻlini yelka balandligida ochmoq.

Alvasti qiyofasiga kirgan bir ayol qulochlarini yozgan holda koʻchaning chap tomoniga qarab yugura ketdi. Gʻ. Rasul, Toʻngʻich oʻgʻil
Pirnafas aka qulochini yozib, kuchi boricha sanchqini otdi. J. Sharipov, Xorazm
Polvon azamat qulochlarini yoyib, ogʻir kerishdi. J. Sharipov, Xorazm

2. koʻchma Keng tarqalmoq, yoyilmoq, avj olmoq, rivojlanmoq.

Uy-joy qurilishi keng quloch yoydi.
Proza hali keng quloch yozmagan davrlarda uning rolini poeziya bajarib kelgan. OʻTA
Daryo, anhor oqsin choʻl sari, Quloch yozsin dunyo bogʻlari. Q. Muhammadiy
Xalq deputatlarining tashabbusi ham keng quloch yoydi. Gazetadan

3. aynan Asosan ravishdosh shaklida — quloch yozib quchoq ochmoq

Kolxoz oblastdan kelgan keksa, tajribali oʻqituvchini quloch yozib qarshi oldi. A. Qahhor, Qoʻshchinor chiroqlari

Quloch otmoq

1. Qoʻllarini galma-gal suvdan chiqarib va botirib, oldinga harakatlanmoq (suzishda).

Mansur., oqimga qarshi quloch otib suzardi. Oʻ. Hoshimov, Qalbingga quloq sol

2. koʻchma Ayn. quloch yozmoq 2.

Qiz temir qoziq bilan zang urdi, ovqatga chorlovchi sado uzoqlarga quloch otdi. T. Rasulov, Sarbon

Quloch tortmoq

maxs. Mahsi, etik kabilarning chokini tikishda ikki soʻzanga taqilgan ipni ikki tomonga qulochlab tortmoq.

[Unsin] Tagiga kichkina kursi qoʻyib, oyoqlariga dazgil chalmashtirib, epchil quloch tortardi. Oybek, Tanlangan asarlar

Quloch urmoq

kam qoʻll. Ayn. quloch otmoq 1.

Anhor toʻla qon. Avaz lopillab oqib ketyapti. Quloch urib, sohilga intiladi. S. Siyoyev, Avaz

QULOCH so‘zining sinonimlarini Sinonim.uz saytida qidirib ko‘ring.

ҚУЛОЧ so‘zining kirillcha yozilishi Lotin.uz sayti tomonidan taqdim qilingan.

Saytdagi o‘rni

4493

So‘zning teskari yozilishi

hcoluq

Harflar soni

Ko‘rishlar soni

3216

quloch so‘zi ishlatilgan saytlarni internetda qidiring

Google Яндекс Bing

Siz uchun qiziq bo‘lishi mumkin bo‘lgan so‘zlar

achinarli abstrakt achimtir Venera Boburnoma abjaq Shekspir abrishim abadulabad

quloch so‘zining ma’nosi va izohi bilan batafsil tanishib chiqamiz. O‘ylaymizki, endi siz Izoh.uz saytidan foydalanib, quloch so‘zini lotin va kirill alifbosida to‘g‘ri va o‘z o‘rnida ishlata olasiz.

Alifbo bo‘yicha

A B D E F G H I J K L M N O P Q R S T U V X Y Z O‘ G‘ Sh Ch

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.

Batafsil

Tasodifiy so‘zlar

Hammasini ko‘rish

Yangi so'zlar

Hammasini ko‘rish

Izoh.uz loyihasi haqida

Izoh.uz — O‘zbek tilining xalqona izohli lug‘ati 35 000 dan ortiq so‘zlarning ma’nolari ibora va misollar bilan keltirilgan.

Yillar davomida “O‘zbek tili kuni”ga bag‘ishlab, o‘zbek tilini o‘rganuvchilar, jurnalistlar, tarjimonlar, kopirayterlar, blogerlar va boshqalar uchun foydali loyihalarni ishga tushirishni an’anaga aylantirganmiz. Bizning jamoa Lotin.uz, Imlo.uz, Sinonim.uz, Sarlavha.com loyihalarini hukmingizga havola qilgan.

Batafsil Izoh.uz loyihasi haqida