qurama

1. Har xil tus, koʻrinishda boʻlgan; turli xil, har xil turdagi.

1. [Polvon] Maxorkani bejab oʻrab, sal eshitilarli tovush bilan qurama ashulalarni gʻingʻillay boshladi. Oybek, Quyosh qoraymas

2. Shahar aholisi qurama. Unda har xil millatlarga mansub kishilar — kannaralar, hindlar, malayyalar, tamillar yashaydi. Z. Akramov, Hindiston lavhalari

3. Bashirjon gazetani ochib, parvarda, shokolad, shoʻrdanak va qoramayiz aralashtirilgan qurama shirinliklardan bitta parvardani olib, ogʻziga soldi. N. Aminov, Qahqaha

2. aynan Quroq I 2.

1. Qurama toʻshakda choʻzilib yotganicha, jajji qoʻlchalarini unga choʻzardi. N. Norqobilov, Bekatdagi oq uycha

2. U qurama kiyimdagi kishiga norozi koʻzi bilan qarardi. V. Gʻofurov, Vafodor

Oʻzbek xalqi tarkibiga kirgan etnik guruhlardan biri: Oʻzbekistonning Chirchiq va Ohangaron vodiylarida yashovchi oʻzbek elati; shu elatga mansub shaxs yoki narsa.

1. Qurama ayoli. Oʻzbek tilining qurama shevasi.