shona

1. Gʻoʻza gʻunchasi.

1. Gulparast, deb atamang, ishimizdan bexabar, Shonalar sanab yurgan mehnatkash qizlar edik. Gʻ. Gʻulom

2. Biroq, ozgina suv ham taqa-taq toʻxtab qoldi. Suv deb navbat kutib yotgan gʻoʻzalarning barglari qorayib, shona tashlay boshladi. I. Rahim, Chin muhabbat

2. Shonaga kirmoq Gʻunchalamoq (gʻoʻza haqida).

1. Yangi kvadratlardagi gʻoʻzalar tez rivojlanib, oldi tekis shonaga kirdi. Gazetadan

eskirgan, aynan Taroq 1.

1. Shona bilan zulfin tarab oʻrganlar, Oyna olib, oq yuzini koʻrganlar. Fozil shoir

2. Qizlar tongda buloq tomon borardi, Yuvinishib, bari sochin tarardi, Har birin boshida chiroyli shona, Koʻrar koʻngil qushi shunda koshona. M. Alaviya