Izoh.uz saytida teng so‘zining izohi va ma’nolari

teng

So‘zni do‘stlar
bilan ulashing

sifat

1. Oʻlchami, hajmi, katta-kichikligi, soni va shu kabilar jihatidan oʻxshash, bir xil, baravar.

Teng masofalar. Uzunligi teng yogʻochlar. Teng yeganni tangri sevibdi. Maqol
Biz qachon oʻqiymiz? deb Qamishkapaning teng yarmi boʻlgan ayollar talab qilsa-yu, ularning talabini qondirish birinchi galda sovetning vazifasi emasmi? P. Tursun, Oʻqituvchi
Ikki tomoni teng boʻlgan uchburchak teng yonli uchburchak deyiladi. Geometriya

2. Yoshi jihatidan baravar, tengdosh, tengqur.

Teng bolalar.
Oʻktamboy ham oʻz tenglari ichida durkun, orqasida olti pud yuk koʻtarish bilan maqtanadirgan yigit. A. Qodiriy, Obid ketmon

3. Ahamiyati, tutgan oʻrni, mavqeyi, nufuzi, haq-huquqi va shu kabilar jihatidan oʻxshash, bir xil, baravar.

Bu yerda u [Elmurod] birinchi marta oʻzini boshqalar bilan teng odam his qilar edi. P. Tursun, Oʻqituvchi
Uning [Umri] uchun olamda oʻziga teng odam yoʻq, u bilgan odamlar yo oʻzidan past, yo oʻzidan yuqori. A. Qahhor, Xotinlar
Toʻlib yetilgan qiz endi uning [yigitning[ koʻz oldida tengi topilmas goʻzal boʻlib qoldi. P. Tursun, Oʻqituvchi
[Xumorxon:[ Burungi vaqtda erlarga choʻri boʻlgan xotinlar hozir erlar bilan teng. A. Qahhor, Ogʻriq tishlar

4. Bir-biriga mos, muvofiq, munosib.

Tengini topsang, tekin ber. Maqol
Teng-tengi bilan, tezak qopi bilan. Maqol
Chin doʻst tugʻishganing bilan teng. Maqol
Men hech sening tenging emasman. Omonim bor — seni demasman. H. Olimjon
Akasi munosib, axloqli, odobli, or-nomusli yigit boʻlsa, bu qiz ham uning tengi, munosibi edi. Mushtum

5. ravish Bir-biridan qolishmay yoki oʻz-may, ayni bir paytda, bir vaqtning oʻzida; baravar.

Ular teng tugʻilgan. Bu koʻchatlar teng ekilgan. Teng ishlamoq.
Tohir-Zuhra holidan bir kalima eshiting: Oʻqib, oʻynab bir bogʻda ulgʻayar edilar teng. S. Abdulla, Tohir va Zuhra

6. koʻm. vzf. (3-shaxs egalik shaklida) Tenglik jihatdan oʻxshatish, qiyos maʼnosini bildiradi; qatori.

Bu — qotmadan kelgan, qoracha, leytenant Sultonov tengi yigit edi. Oʻ. Umarbekov, Yoz yomgʻiri
Anvar uz tengi bolalar bilan oz aloqa qilar, ularga kam aralashar edi. A. Qodiriy, Mehrobdan chayon
[Oqiljon] Oʻzi yaxshigina, siz tengi kishi edi. Oybek, Tanlangan asarlar
Xalq tengi dam olmoq — bu huquqimiz Oybek, Oltin vodiydan shabadalar

teng soʻzi qatnashgan jumlalar:

Teng baravar

so‘zlashuv tili Ikki hissa; ikki hissa koʻp, ikki marta ortiq.

Teng baravar foyda olmoq.

Teng boʻlmoq

1. Baravar ikki yoki bir necha qismga ajratmoq; baravar taqsimlamoq.

Qovunni olti kishiga teng boʻlmoq. Yongʻoqlarni bolalarga teng boʻlib bermoq;

2. Bir xil, baravar boʻlmoq, tenglashmoq; farq qilmaslik.

Mana, oʻsha qadimiy choʻl Baxshilar: Uncha-muncha yer unga yeng boʻlmas, yeng boʻlsa ham, teng boʻlmas, deb atagan choʻl. A. Poʻlat, Choʻldagi mashʼal

3. Birov bilan aytishib, tortishib, unga bas kelmoq, baravar kelmoq.

Keyin oʻgʻlining qoʻltigʻidan olib, bir chetga tortdi: — Bular bilan teng boʻl-mang, oʻgʻlim. M. Ismoiliy, Fargʻona tong otguncha

Teng kelmoq

aynan Teng boʻlmoq 2, 3.

Mahalladagi turli qiziqchiliklar va hazilvonliklarda Yusufjonga teng keladigan yoʻq edi. T. Obidov, Yusufjon qiziq
Odamlar zavq bilan hazil qilishdi: — Sizga teng kelib boʻladimi? Sizdan yiqilib, bir hafta belimizni ololmay yurmaylik tagʻin, qoʻying-ye. P. Tursun, Oʻqituvchi

Teng koʻrmoq (yoki qaramoq)

1. Ahamiyati, mavqeyi, martabasi va shu kabilardan qatʼiy nazar, bir xil munosabatda boʻlmoq.

Dadamiz hammamizni teng koʻrar edilar;

2. Tenglashtirmoq, baravar, bir xil, teng huquqli deb hisoblamoq.

Hademay, masʼuliyat hissini gʻurur yengdi: Boʻtaboy hech kimni oʻziga teng koʻrmaydigan boʻlib qoldi. A. Qahhor, Qoʻshchinor chiroqlari

Teng sherik

Teng foydalanish, teng boʻlib olish sharti bilan tuzilgan sherikchilik.

Tengi yoʻq

Mos tushadigani, monandi, teng keladigani yoʻq; yagona.

Orol boʻyidagi koʻchmanchi qabilalarga aql-farosatda tengi yoʻq, husnda tanho Oltinoy ismli ayol boshchilik qilar ekan. Oʻzbekiston qoʻriqlari
— Yerni kovlash ishlari boʻlsa, mana bu ogʻaynilarga qoʻyib bera-siz, — dedi yosh choʻpon chap qatorda oʻtirgan aka-ukalarni koʻrsatib, — quduq qazishda bularning tengi yoʻq. Mirmuhsin, Meʼmor

Tuproq bilan teng qilmoq

1. Yer bilan yakson qilmoq, vayron qilmoq.

Urush koʻp shahar va qishloqlarni tuproq bilan teng qildi;

2. Xor qilmoq, poymol, oyogʻosti qilmoq.

[Gʻofir:] Men hali kelib-kelib odamgarchilikni, diyonatni, nomusni tuproq bilan teng qilgan sizday razil, xotinfurush qoʻshmachilar oldida shunchalik past tushdimmi?! Hamza, Boy ila xizmatchi

TENG so‘zining sinonimlarini Sinonim.uz saytida qidirib ko‘ring.

ТЕНГ so‘zining kirillcha yozilishi Lotin.uz sayti tomonidan taqdim qilingan.

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.

Batafsil

Saytdagi o‘rni

11633

So‘zning teskari yozilishi

gnet

Harflar soni

Ko‘rishlar soni

774

teng so‘zi ishlatilgan saytlarni internetda qidiring

Google Яндекс Bing

Siz uchun qiziq bo‘lishi mumkin bo‘lgan so‘zlar

abstraktlashtiril abadulabad abstrakt abadiyat abdol abjir abjad abadiylik achishtir

teng so‘zining ma’nosi va izohi bilan batafsil tanishib chiqamiz. O‘ylaymizki, endi siz Izoh.uz saytidan foydalanib, teng so‘zini lotin va kirill alifbosida to‘g‘ri va o‘z o‘rnida ishlata olasiz.

Alifbo bo‘yicha

A B D E F G H I J K L M N O P Q R S T U V X Y Z O‘ G‘ Sh Ch

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.

Batafsil

Tasodifiy so‘zlar

Hammasini ko‘rish

Yangi so'zlar