Izoh.uz saytida tuxum so‘zining izohi va ma’nolari

tuxum

So‘zni do‘stlar
bilan ulashing

1. Urgʻochi parranda, toshbaqa va boshqalar baʼzi hayvonlarning bola ochish uchun qoʻyadigan, qobiq bilan oʻralgan jinsiy yumurtqasi va shu narsa — tarkibida barcha oziq moddalariga ega boʻlgan taom mahsuloti sifatida.

Tovuqning tuxumi. Oʻrdakning tuxumi. Tuxum qilmoq. Qovurilgan tuxum. Tuxum yutmoq.

2. biologiya Jinsiy hujayra.

Tuxum yoʻli. Tuxum hujayrasi.

3. bot. Urugʻ.

Oshqovoqning tuxumi.

4. koʻchma Nasl, avlod, zurriyot, zot.

Tuxumi qurigan hayvonlar.
Koʻk qurt! Yomon ofat. Gʻoʻzaning zavoli. Tezda tuxum-tuxumini quritish kerak. R. Azizxoʻjayev, Yashil chayla
Oʻlsam oʻlayin, odam tuxumidan qoʻrq-mayman. Oysuluv

5. koʻchma Umuman, yuzaga keltiruvchi narsa, urugʻ.

Agar siz nafsilamrga qarasangiz, ikki xalqni bir-biriga sovuq koʻrsatib, adovat tuxumini sochib keluvchi bir nechagina odam bor A. Qodiriy, Oʻtgan kunlar

tuxum soʻzi qatnashgan jumlalar:

Anqoning tuxumi

Nimasini surishtirasiz, mulla aka, xoʻjayinlar orasidan epaqaga keladiganini qidirish anqoning tuxumini qidirish bilan barobar ekan. Oybek, Tanlangan asarlar

Tuxum bosmoq

1. Tuxum qilish uchun moyak ustida oʻtirmoq.

Bundan rosa un yil burun mana shu boloxonadagi qaznoqda tuxum bosib yotgan farangi tovuq birdaniga qoqolab, tom orqasiga — Sobirjon qorinikiga uchib tushdi. A. Qahhor, Qoʻshchinor chiroqlari

2. Joʻja ochish uchun maʼlum vaqt tuxumlarga bagʻrini berib yotmoq.

Soʻrining burchagiga in qurgan musichaning tuxum bosib yotganini kuzatdi. Gazetadan

3. Koʻchma hech bir ish qilmay, uydan eshikka chiqmay yotmoq, loqayd yuravermoq.

Rahim tagʻin chetga surilardi, balki yana chakagini bogʻlab, uyda tuxum bosib qolardi. H. Nazir, Soʻnmas chaqmoqlar

Tuxum bostirmoq

Joʻja ochib chiqarsin uchun, kurk boʻlgan tovuqning ostiga tuxum qoʻymoq.

Komiljon bostirgan tuxumlar joʻja boʻlmay, palagʻda chiqib qoldimi? I. Rahim, Ixlos

Tuxum ochmoq

Tuxum bosib yotib, joʻja chiqarmoq.

Tuxum urishtirmoq (yoki oʻynamoq)

Pishgan tuxumlarni bir-biriga urib, kimniki sinmay qolishga oʻynamoq.

Ikki ariqning atrofiga choyxonalar ochilardi Qimorbozlik boʻlardi, mozorlardan shayx va qalandarlar kelardi tuxum oʻynashardi, soʻngra mastbozlik. I. Rahim, Ixlos

Tuxumga kirmoq

Tuxum qila boshlamoq.

Tovugʻimiz tuxumga kirib qoldi.

Tuxumdan chiqmoq

1. Tuxum qilmay qoʻymoq;

2. Tuxumni yorib chiqmoq, joʻjalamoq.

Tuxumi ogʻziga kelmoq (yoki tiqilmoq)

Juda ziq, tang ahvolda qolmoq.

Oxiri tuxum ogʻziga kelganda, ha boʻl, ha boʻlga tushib, shoʻr yerning yarmini ham yuvolmadik. Mushtum

Tuxmi odam (yoki inson)

Odam zoti.

Sultonim, bir kun boʻlgan odam, bir kun oʻladi, tuxmi odam boshida shu savdo bor. Gulixiromon

Tuxumini quritmoq (yoki qirmoq)

Butunlay yoʻq qilmoq.

Agarda najotimiz qipchoq tuxumini quritishda boʻlsa, meni ham ossinlar! A. Qodiriy, Oʻtgan kunlar
U [Davlatyor] figʻon chekayotir: — Seni oʻldirganning tuxumini qiraman, akajonim! P. Tursun, Oʻqituvchi

TUXUM so‘zining sinonimlarini Sinonim.uz saytida qidirib ko‘ring.

ТУХУМ so‘zining kirillcha yozilishi Lotin.uz sayti tomonidan taqdim qilingan.

Saytdagi o‘rni

25465

So‘zning teskari yozilishi

muxut

Harflar soni

Ko‘rishlar soni

737

tuxum so‘zi ishlatilgan saytlarni internetda qidiring

Google Яндекс Bing

Siz uchun qiziq bo‘lishi mumkin bo‘lgan so‘zlar

Boburnoma Mars abadiyan abgorlik aberratsion abr abadiylik aʼmol abadulabad

tuxum so‘zining ma’nosi va izohi bilan batafsil tanishib chiqamiz. O‘ylaymizki, endi siz Izoh.uz saytidan foydalanib, tuxum so‘zini lotin va kirill alifbosida to‘g‘ri va o‘z o‘rnida ishlata olasiz.

Alifbo bo‘yicha

A B D E F G H I J K L M N O P Q R S T U V X Y Z O‘ G‘ Sh Ch

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.

Batafsil

Tasodifiy so‘zlar

Hammasini ko‘rish

Yangi so'zlar

Hammasini ko‘rish

Izoh.uz loyihasi haqida

Izoh.uz — O‘zbek tilining xalqona izohli lug‘ati 35 000 dan ortiq so‘zlarning ma’nolari ibora va misollar bilan keltirilgan.

Yillar davomida “O‘zbek tili kuni”ga bag‘ishlab, o‘zbek tilini o‘rganuvchilar, jurnalistlar, tarjimonlar, kopirayterlar, blogerlar va boshqalar uchun foydali loyihalarni ishga tushirishni an’anaga aylantirganmiz. Bizning jamoa Lotin.uz, Imlo.uz, Sinonim.uz, Sarlavha.com loyihalarini hukmingizga havola qilgan.

Batafsil Izoh.uz loyihasi haqida