Izoh.uz saytida xumor so‘zining izohi va ma’nolari

xumor

So‘zni do‘stlar
bilan ulashing

1. ot Odatlanish tufayli biror narsaga boʻlgan chanqoqlik; mushtoqlik, zoʻr istak.

U bugun uyqudan bir qadar xumori bosilganday boʻlib turdi. S. Anorboyev, Hamsuhbatlar

2. Biror narsaga erishuvga, yetishuvga ishtiyoqi baland, orzumand; mushtoq.

Xat ku-tib jonimda qolmadi toqat, Bir koʻrmoqqa xumor boʻldi Adolat! I. Rahim, Chin muhabbat
Tojiboy xumor boʻlib, yana nos chekdi-da, otiga qamchi urdi. P. Tursun, Oʻqituvchi

xumor soʻzi qatnashgan jumlalar:

Xumor qilmoq

Biror narsaga yetishuvga boʻlgan intilishni, istakni kuchaytirmoq; oʻta xohlamoq; sogʻintirmoq (odatlangan narsa haqida).

— Durust, oldingi kasbing xumor qilayotgani yoʻqmi?— deb hazillashdim. Shukrullo, Saylanma

Xumordan chiqmoq

Oʻylab yurgan biror ish yoki harakatni amalga oshirish natijasida taskin topmoq, tinchlanmoq.

[Ahmad] Uloq chopib, koʻpkarilarni koʻrib xumoridan chiqib, uyiga qaytmoqchi boʻldi. S. Nurov, Maysalarni ayoz urmaydi

Xumori tutmoq

Odatlangan narsasini qoʻmsamoq, sogʻinmoq; unga yetisha olmay tajang boʻlmoq.

Qisqasi [cholning] nosi ado boʻlsa, ayniqsa, xumori tutganda, hech bir kuch uni toʻxtatib qololmaydi. N. Norqobilov, Toʻqnashuv

Xumorini tarqatmoq (yoki yozmoq)

Oʻzi qoʻmsab, sogʻinib yurgan kimsa yoki narsaga yetishib qanoatlanmoq, taskin topmoq.

Oʻynab, hasratlashib, xumorini tarqatib, uyiga qaytadi odam. Gazetadan
Sizlarni koʻrsam, uni [nabiramni] koʻrganday xumorim yoziladi. Saodat

Xumor koʻz yoki koʻz(lar)i xumor

1. Suzuk, chiroyli koʻz.

Zumradning xumor koʻzlarida qandaydir chuqur bir qaygʻu yashiringan. H. Ziyoxonova, Mening tabrigim
U [Gulnor] chiroyli mayin tovush bilan soʻzlarkan, yigitning qoʻlidan choynak-piyola olarkan, shoʻx, xumor koʻzlari bilan yigitga qaraydi. Oybek, Tanlangan asarlar

2. Shunday koʻzli yor, dilbar.

Koʻz tindi kutib, koʻzi xumorim, nima boʻldi? Habibiy

Oʻz gapi oʻziga xumor qilmoq

Oʻzining gapi oʻziga qiziq boʻlib tuyulmoq.

Muallim oʻz gapi oʻziga xumor qilib xoxoladi Yoshlik

XUMOR so‘zining sinonimlarini Sinonim.uz saytida qidirib ko‘ring.

ХУМОР so‘zining kirillcha yozilishi Lotin.uz sayti tomonidan taqdim qilingan.

Saytdagi o‘rni

17244

So‘zning teskari yozilishi

romux

Harflar soni

Ko‘rishlar soni

981

xumor so‘zi ishlatilgan saytlarni internetda qidiring

Google Яндекс Bing

Siz uchun qiziq bo‘lishi mumkin bo‘lgan so‘zlar

ablah abonent abssissa abzal abituriyent achintir Zulfiyaxonim achchiqlantir Moturidiy

xumor so‘zining ma’nosi va izohi bilan batafsil tanishib chiqamiz. O‘ylaymizki, endi siz Izoh.uz saytidan foydalanib, xumor so‘zini lotin va kirill alifbosida to‘g‘ri va o‘z o‘rnida ishlata olasiz.

Alifbo bo‘yicha

A B D E F G H I J K L M N O P Q R S T U V X Y Z O‘ G‘ Sh Ch

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.

Batafsil

Tasodifiy so‘zlar

Hammasini ko‘rish

Yangi so'zlar

Hammasini ko‘rish

Izoh.uz loyihasi haqida

Izoh.uz — O‘zbek tilining xalqona izohli lug‘ati 35 000 dan ortiq so‘zlarning ma’nolari ibora va misollar bilan keltirilgan.

Yillar davomida “O‘zbek tili kuni”ga bag‘ishlab, o‘zbek tilini o‘rganuvchilar, jurnalistlar, tarjimonlar, kopirayterlar, blogerlar va boshqalar uchun foydali loyihalarni ishga tushirishni an’anaga aylantirganmiz. Bizning jamoa Lotin.uz, Imlo.uz, Sinonim.uz, Sarlavha.com loyihalarini hukmingizga havola qilgan.

Batafsil Izoh.uz loyihasi haqida