Izoh.uz сайтида ит сўзининг изоҳи ва маънолари

ит

Сўзни дўстлар
билан улашинг

от

1. Уй-рўзғорни қўриқлаш, ов овлаш ва шу кабилар мақсадлар учун сақланадиган тўрт оёқли сутемизувчи уй ҳайвони.

Кўппак ит. Ов ити.
Катта темир дарвоза остида чўзилиб ётган хирсдай ит бошини кўтариб ириллади. А. Қаҳҳор, Бошсиз одам

2. Шу ҳайвонга нисбатланувчи ҳақоратни билдиради.

Азизбек қаршисида қўл боғлаб турган дарвоза бегига бақирди: — Нега қараб турасан, дарвоза устига чиқ, ким экан у ит?! Қодирий, Ўтган кунлар
Халқ товуши тинимсиз гувуллайди: — Бу ёққа чиқ, итлар! Ойбек, Танланган асарлар

3. кўчма Бировнинг манфаатларини ҳимоя қилиб, бошқаларга зулм ўтказувчи одам; малай.

Мусулмонқулнинг ити бўлмаса, ўзимиздан мингбоши бўларлик одам қуриб қолувдими, дейман. А. Қодирий, Ўтган кунлар
Келинг, шердаргоҳнинг ити, тортинманг, юқорига ўтинг. К. Яшин, Ҳамза

4. Мучал йил ҳисобида ўн биринчи йил номи; сак.

Унинг йили ит.

ит сўзи қатнашган жумлалар:

Ит эмган

сўк. Итвачча, итдан тарқаган.

— Бу ёққа кел, ит эмган! — деди мингбоши, қизил кўзларини ола-була қилиб. М. Исмоилий, Фарғона тонг отгунча

Ит йили

Мучал йил ҳисобида ўн биринчи йил.

Бошига ит кунини солмоқ

Роса қийнамоқ, ўта азоб-қийноққа солмоқ.

Улар қишлоқдагиларнинг бошига ит кунини солибди: деҳқонларни қийнабди, ўлдирибди; пахта эксаларинг — ўлдирамиз, деб дўқ урибди. Ҳ. Турсунқулов, Ҳаётим қиссаси

Бўйнидан боғланган ит овга ярамас

Хоҳиши бўлмаган кишини зўрлаганинг билан иш бермайди, деган маънода ишлатиладиган мақол.

Ит азоби

Ниҳоятда қийин, машаққатли ҳолат, аҳвол.

Биласанми сен бу ўзбошимчалигинг билан отангни ит азобига солишингни? К. Яшин, Ҳамза
[Ҳожар:] Ит азобида кечани кундузга улаб меҳнат қила-қила, энди юрт орасида шер қилдим деганда, обрўни тўкиб қўйсам, қандай кўргилик! Ҳамза, Паранжи сирлари

Ит боқмайди

Назар-эътибордан қолган, эътибор берилмайдиган шахс ёки нарса ҳақида, унга нисбатан қўлланади.

— Бувижон, бувижонга ит боқмайди-ю, аммо ўз билганини қилади, — деди кампир буви Пўлатжон акага. Мирмуҳсин, Умид

Ит тегди ёки ит тегган

Нопок, ҳаром бўлди (номусига тегилган аёл ҳақида).

Қай юз билан боқаман унга? Мени кечирармикан? Кечирмас! Ахир менга ит тегган! С. Аҳмад, Ҳукм

Ит ҳасратда

айнан Ит азоби(да).

Итдан суяк қарз

Қарзи жуда кўп, ҳаммадан қарз.

Итининг туваги олтиндан

Жуда ҳам бой, ошиб-тошиб кетган бой.

Итнинг кейинги оёғи

Иш-фаолият ва шу кабиларда қатордагилардан (бошқалардан) энг охирда эканликни билдиради.

бирор ҳунар-пунар ўргансин. Йўқса итнинг кейинги оёғи бўлиб қолади. Э. Раимов, Ажаб қишлоқ

Ичини ит таталамоқ (ёки тирнамоқ, кемирмоқ)

айнан Ичини мушук таталамоқ

Шу вақтгача шоирнинг ҳаёти учун қўрқиб, ичини ит тирнаётган вазир енгил нафас олиб, жавоб ўрнига бош эгиб қўйди. М. Осим, Зулмат ичра нур
Чой ичаётибман-у, хавотирдан ичимни ит таталаяпти. Ҳ. Назир, Ёнар дарё
Бироқ ичимни ит кемиряпти. С. Сиёев, Ёруғлик

Камбағални туянинг устида ҳам ит қопади

Иши юришмаган, омадсиз киши ҳақида айтиладиган ибора.

ИТ сўзининг синонимларини Sinonim.uz сайтида қидириб кўринг.

IT сўзининг лотинча ёзилиши Lotin.uz сайти томонидан тақдим қилинган.

Сайтдаги ўрни

10816

Сўзнинг тескари ёзилиши

ти

Ҳарфлар сони

Кўришлар сони

987

ит сўзи ишлатилган сайтларни интернетда қидиринг

Google Яндекс Bing

Сиз учун қизиқ бўлиши мумкин бўлган сўзлар

абад аъмол ачимтир абстракция абгорлик аччиқлаш Меркурий аълочи аччиқлантир

ит сўзининг маъноси ва изоҳи билан батафсил танишиб чиқамиз. Ўйлаймизки, энди сиз Izoh.uz сайтидан фойдаланиб, ит сўзини лотин ва кирилл алифбосида тўғри ва ўз ўрнида ишлата оласиз.

Алифбо бўйича

А Б В Г Д Е Ж З И Й К Л М Н О П Р С Т У Ф Х Ц Ч Ш Э Ю Я Ў Қ Ғ Ҳ

Изоҳли луғат Savodxon лойиҳаси билан ҳамкорликда яратилди. Savodxon дастури матндаги имло хатоларини аниқлаш ва тузатишга имкон беради.

Батафсил

Тасодифий сўзлар

Ҳаммасини кўриш

Янги сўзлар