Izoh.uz сайтида кўрпа сўзининг изоҳи ва маънолари

кўрпа

Сўзни дўстлар
билан улашинг

от

1. Ётганда, ухлаганда, совуқдан сақланиш учун устга ёпиладиган, чорбурчак ғилоф ичига пахта солиб қавилган рўзғор буюми.

Духоба кўрпа. Шоҳи кўрпа. Кўрпа қавимоқ. Кўрпага бурканмоқ.
— Устимга кўрпа ташла! — деди хотинига у, титроқ товуш билан. Ҳ. Ғулом, Машъал
Улар [ҳокимлар] юмшоқ шоҳи кўрпаларда ағанаб, пишиллаб ухлашмоқда. Мирмуҳсин, Меъмор

2. кўчма Умуман, устни, юзани қоплаган нарса.

Кечаги қор тинган, ҳудудсиз далалар оппоқ кўрпа остида жимгина ором олмоқда. Ў. Усмонов, Сирли соҳил
Осмондан вариллаб самолёт ўтиб кетди. Кўланкаси йўллар, боғлар, тош ва ариқлар, дарахтларнинг кўрпа бўлиб ётган яшил япроқлари устидан судралиб боряпти. С. Нуров, Нарвон

Бир кўрпада катта бўлмоқ

Бир оила ёки хонадонда ўсмоқ, ёшликдан бирга яшаб келмоқ.

Шундай пайтда Коля — Қудратнинг бир кўрпада катта бўлган оғайниси — жонига ора кирарди. Ҳ. Назир, Сўнмас чақмоқлар

Кўрпа кўтарди

шв

. Малай, югурдак
Ўринбой қалачининг гумаштаси ва кўрпа кўтардиси бўлган бир киши фаол колхозчи бўлмас. С. Айний, Қуллар

Кўрпага қараб оёқ узатмоқ

Ҳол-қудратига қараб, ўз имкониятини ҳисобга олган ҳолда иш тутмоқ.

Сиз учун хижолат чекишни истамайман. Ҳаммамиз ҳам кўрпага қараб оёқ узатганимиз яхши. С. Абдулла, Соялар

Кўрпа (-ёстиқ)ни кўтармоқ

Кетмоқ, кўчиб кетмоқ; бадарға бўлмоқ.

Учар бу ердан ҳам кўрпа-ёстиғини кўтарди.
Орамизга совуқлик тушади, мана бу ёмон нарса. Кейин мен кўрпа-ёстиғимни кўтариб, қай эшикка бораман? Ойбек, Танланган асарлар
Бир куни бойбува арзимаган сабаб билан уриш чиқарди-да, Холбойга қараб: — Кўрпангни кўтар, гадолар. Тўрт томонинг қибла! — деб дарвозани кўрсатди. К. Яшин, Ҳамза

КЎРПА сўзининг синонимларини Sinonim.uz сайтида қидириб кўринг.

KO‘RPA сўзининг лотинча ёзилиши Lotin.uz сайти томонидан тақдим қилинган.

Сайтдаги ўрни

16990

Сўзнинг тескари ёзилиши

апрўк

Ҳарфлар сони

Кўришлар сони

333