ўқит

1. Ўқимоқ феълининг орттирма нисбати.

1. Чиқиб, почталон бериб кетган мактубни қўшнининг ўғли Азимхонга ўқитди. Ҳ. Шамс, Оқпадар

2. Сиз бир неча кишини ёрдам учун юборсангиз, улар ўз қўшниларини ўқитиб ўргатадилар, қандай қилиб қуриш зарурлигини амалда кўрсатиб қайтадилар. Ш. Рашидов, Бўрондан кучли

3. [Отабекка:] Бу савол берилиб, Ҳомид билан бояги учрашишини унга хотирлатган ва энди ҳам кулиб қарамаган бахтига лаънат ўқитган эди. А. Қодирий, Ўтган кунлар

4. Сотиболди касални ўқитди — бўлмади А. Қаҳҳор, Бемор

2. сўзлашув тили Ўргатмоқ.

1. Менга ўқитасанми бу ишларни, ўзим сендан яхши биламан. Ўқитма менга, ёшлик қиласан.