оғри
билан улашинг
1. Касал бўлмоқ, бирор касалликка йўлиқмоқ, дардга чалинмоқ.
-
Ишламай еган, оғримай ўлар. Мақол
-
Буюк аллома Абу Али ибн Сино мия, қонтомир, ўпка касалликлари билан оғриган кишиларни даволашда ёнғоқ мағзидан самарали фойдаланган. Фан ва турмуш
-
Бирдан Зеби хола оғриб қолди-ю, ўша ётганча ўрнидан турмади. Ҳ. Назир, Сўнмас чақмоқлар
2. Касалланиб, шикастланиб, жароҳатланиб ёки чарчаб оғриқ бермоқ, оғриққа кирмоқ.
-
Оёғим оғрияпти. Пичоқни аввал ўзингга ур, оғримаса, бировга ур! Мақол
-
Унинг тани зирқираб оғрир, айниқса, бели шундай оғрирдики, асло чидаб бўлмасди. С. Аҳмад, Уфқ
-
Бутун баданим зирқираб оғрийди, энди жуда кучайди оғриқ. Ойбек, Танланган асарлар
3. Касалланиб ёки қурт еб тўкилмоқ (ҳўл мевалар ҳақида).
-
Оғриган олма.
оғри сўзи қатнашган жумлалар:
Бели оғримаганнинг нон ейишига қара
Дили (ёки кўнгли) оғримоқ
-
Зумрад эрига кўз қирини солди. Унинг бугунги озорини ўйлаб, кўнгли оғриди ва жаҳл билан тескари ўгирилиб, тўшакни бошига тортди. С. Сиёев, Отлиқ аёл
-
Гулнорни олмоқчи экан, олсин. Ука, биз тўсиқ бўлмайлик, чолнинг дили оғримасин. Ойбек, Танланган асарлар
Жони оғримоқ
ОҒРИ сўзининг синонимларини Sinonim.uz сайтида қидириб кўринг.
OG‘RI сўзининг лотинча ёзилиши Lotin.uz сайти томонидан тақдим қилинган.
оғри сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар