палағда

1. Айниган, бузилган, сасиган (тухум ҳақида).

1. Палағда тухум.

2. Уни қанақа чиройли сўзларга ўрамасин, палағда тухумга мурч сепиб бергандай гап — бари бир еб бўлмайди. А. Қаҳҳор, Бек

3. Олқинди кетди-ю, уйда аллақандай моғор ҳиди билан бешта палағда тухум қолди. С. Аҳмад, Сайланма

2. Унмайдиган, қуруқ, қовжироқ (уруғликлар ҳақида).

1. Палағда уруғ.

3. кўчма . Пўнғиллаган, ёқмайдиган, ёқимсиз, хира (овоз ҳақида).

1. Унинг [Очилвойнинг] овози аллақандай хириллаб, палағда чиқади. Иззатулла ака ўрнидан қўзғалиб, унга кулумсираб қарайди. Н. Аминов, Қаҳқаҳа

2. Чол кафтини тўлдириб нос отди-да, палағда товуш билан гапга тушиб кетди. С. Аҳмад, Ҳукм

4. кўчма . Ҳеч нарсага ярамайдиган, фойдасиз.

1. Нишонбой, бу саволинг палағда чиқди. А. Қаҳҳор, Қўшчинор чироқлари