қарама-қарши

1. Бир-бирига тўғри келмайдиган, хилоф, бири иккинчисини инкор этадиган, бир-бирига зид, хилоф.

1. Қарама-қарши фикрлар. Қарама-қарши талаблар.

2. Ғуломжон шу хил қарама-қарши ўйлар билан этини еб, узоқ ўтирди. Кетай деса, илинж қўймайди, кетмай деса — ўкинч. М. Исмоилий, Фарғона тонг отгунча

3. Аммо ҳар гал экспедициялар бир-бирига қарама-қарши, чалкаш ахборотлар қолдиришган. С. Кароматов, Олтин қум

2. Мақсад, мавқе ва шу кабилар жиҳатдан ўзаро тескари, қарши ҳолатда бўлган; мухолиф.

1. Қарама-қарши кучлар.

3. Бири иккинчисининг рўпарасида бўлган, бир-бирига қараб турган, рўбарў.

1. Қарама-қарши бинолар. Қарама-қарши жойлаштирмоқ

4. Бири иккинчисига қарши йўналган, қарши йўналишдаги.

1. Қарама-қарши шамол.

2. Одамлар ҳамон кети узилмай, бир қисми хиёбон томон, бошқа қисми қарама-қарши томонга ошиқарди. С. Кароматов, Олтин қум

3. Йўлнинг четидан катта сой оқиб ётарди. У йўлга қарама-қарши оқарди. К. Яшин, Ҳамза