қайтарма

1. Қайтариб, қайириб, буклаб қўйиладиган, қайирма.

1. У [Аваз] уйига етиб бориб, чироқни ёқди, қайтарма ёқа камзулини ечди. Ж. Шарипов, Хоразм

2. Тилма зовурдан чиқиб, тупроқ уюмидан сакраб ўтган Алижон қайтарма этигига ёпишган тупроқни жаҳл билан қоқди. Х. Нуъмон, Фасллар

2. шева, айнан Қайтариқ 4.

1. Азайимхонларга юборинг, тумор қилдириб тақсин, дами ўткирларга юборинг, дам солдирсин, қайтарма қилдириб ичсин, сиз ҳам ичинг. М. Исмоилий, Фарғона тонг отгунча.

2. [Канизак Сидиқжонни] Ўзига иситиб олган. Эсизгина, буни билганимда, ўша ердан қайтарма қилдириб келар эканман. А. Қаҳҳор, Қўшчинор чироқлари

3. Аёлларнинг билгани — ирим, билгани — қайтарма, билгани — азайимхон. Чўлпон, Кеча ва кундуз

3. Халқ куйларидан бирининг номи.

4. сўзлашув тили Пул муомаласида унинг маълум қисмини ўзига (ўғринча) уриб қолиш.

1. Кассир Давронов ишчиларга маош бераётган вақтида ўнталикдан бир-иккитасини қайтарма қилиб, тишининг оқини кўрсатиб қўяди. Муштум