қийиқ

1. Мато, қоғоз ва шу кабилардан одатда учбурчак шаклда қийиб олинган парча ёки ортиб қолган қийинди, қийқим.

1. Қоғоз қийиқлари.

2. Дераза ойналарига турли шаклда қийиқ қоғозлар ёпиштирилган. Ойбек, Қуёш қораймас

2. Бир томони баланд, бир томони паст; қия, қийғоч, қийшиқ.

1. Йиғилган пулларни яктагининг қийиқ чўнтагига солиб, хайрлашиб жўнади. Ҳ. Нуъмон ва А. Шораҳмедов, Ота

2. [Кумуш] Айвон устунига суянгач, қора қийиқ қошларини чимириб, кўча йўлак томонга қаради. А. Қодирий, Ўтган кунлар

3. Қисиқ ёки сузук; қисилган ёки сузилган, қийғоч (кўз ҳақида).

1. Чорбоғнинг қоқ ўртасига қурилган баланд шийпон зиналаридан ўрта ёшли, миқтидан келган, қийиқ кўзли бир киши тушиб келаётган эди. М. Осим, Ўтрор

4. кўчма Гапга кўнмайдиган, тутган ерини кесадиган; ўжар, қайсар.

1. Қийиқ бола.

2. Мулла Икром қийиқ одам бўлганиданми ёки касби шуни лозим кўрганиданми, муросага унамади. Ойбек, Танланган асарлар

3. Қийиғимни боғламади — қийиқ экан, Боқсам — кўзи шўх-у қоши қуюқ экан. Т. Тўла.

5. кўчма Камчилик, нуқсон, хато.

1. Агаповнинг сени менсимай пичинг қилиб, гапингдан қийиқ топиб ўтириши бежиз бўлмаса керак. И. Раҳим, Ихлос

2. Унинг ҳар бир ишидан қийиқ топишга уринар эди. Р. Азизхўжаев, Яшил чайла

қийиқ сўзи қатнашган жумлалар:

Одатда белга боғлаш учун атрофига гул тикилган тўртбурчак мато; белбоғ, қийиқча.

1. Лас қийиқ. Шоҳи қийиқ.

2. [Ғози] Қишда беқасам тўн устидан шоҳи қийиқ боғлар, ёзда эса пилта ёқали оқ яктакни белбоғсиз киярди. И. Раҳим, Ихлос

3. Хадича хола, бундан яқин олти ой бурун келганида, бир қийиқ беҳи олиб келди. А. Қаҳҳор, Қўшчинор чироқлари