ташвиқот

1. Оммага сиёсий ёки бошқа жиҳатдан таъсир кўрсатиш мақсадида ёзма ва оғзаки равишда қилинадиган ишлар, тадбирлар.

1. Ташвиқот юргизмоқ.

2. Ҳай, хотин киши экансиз, эркак киши бўлганингизда, бу тескари ташвиқотингиз учун соғ қўймас эдим. П. Турсун, Ўқитувчи

3. Маълумки, уруш вақтида ташвиқот ишлари ғалабани таъминлашда муҳим омиллардан саналади. Фан ва турмуш

2. сўзлашув тили Ундов, даъват.

1. Сут билан кирган, жон билан чиқар деганларидек, Ўзбек ойимнинг ўша вақтлардаги ташвиқотлари ҳам, унинг [Зайнабнинг] тарафидан фақат келинлик мажбурияти остида қабул қилинди. А. Қодирий, Ўтган кунлар

2. Шу кеча-ю кундузда ташвиқот сизга жуда ҳам зарур. Қулоқ солинг, фойдаси тегади! Уйғун, Навбаҳор