йўқлама

1. Кишиларнинг бор ёки йўқлигини билиш учун рўйхат бўйича уларнинг исм ва фамилиясини айтиб чақириш.

1. Йўқлама қилмоқ.

2. Бир кун, жангдан чиқиб дам олаётган бир бўлинмага бориб қолдим, шу вақт роталарнинг бирида кечки йўқлама бўлаётган эди. З. Фатхуллин, Сўнмас юлдуз

3. Муаллим йўқламани қилиб бўлгач: — Ўтган дарсда қайси мавзуни ўтган эдик? — деб сўрайди Х. Тўхтабоев, Ширин қовунлар мамлакати

2. эскирган Мактабда синф журнали.

1. Бунда [дарсда] 6-8 бола баҳоланиб, уларнинг баҳоси йўқламага ва кундаликка қўйилади. Й. Абдуллаев, Дарс юзасидан баҳони қандай қўйиш керак?

2. Ҳамшира эриниб, олдидаги йўқламага ўхшаган дафтарни очди. Ф. Мусажонов, Ҳиммат