ёрлиқ
билан улашинг
1. тарихий Бирор амал, унвон, суюрғол ва шу кабилар берилганлиги ҳақидаги расмий ҳужжат; фармон.
-
Тўранинг хондан икки юз таноб ерга ёрлиқ олгани бежиз эмас. Ж. Шарипов, Хоразм
-
Сарой битикчиси —бел-боғига қаламдон қистирган, кўк салла ўраган йигит — Чингизнинг тожик тилида ёздирган ёрлиғини ўқиб эшиттирди. М. Осим, Ўтрор
2. Бирор саноат маҳсулотига, унинг номи, миқдори, ишлаб чиқарилган жойи ва шу кабилар маълумотлар ёзиб, бириктириб, ёпиштириб қўйилган қоғоз парчаси.
-
Фабрика ёрлиғи. Багаж ёрлиғи.
-
Ёрлиғини ўқисак, ўзимизнинг кўн-галантерея ва спорт буюмлари бирлашмамиз маҳсулоти экан. Саодат
3. кўчма Номаъқул, салбий сифат; лақаб, ном, тамға.
-
Нигора туҳмат гапларга ишонади: Шербек унинг учун бевафо, бурдсиз Ким билади дейсиз, унга яна қандай ёрлиқларни ёпиштирди экан. С. Анорбоев, Оқсой
-
Яқин пайтларгача боболаримиз кураши миллат-чи ватан хоини деган ёрлиқлар ниқоби остида талқин қилинди. Фан ва турмуш
ёрлиқ сўзи қатнашган жумлалар:
Фахрий ёрлиқ
ЁРЛИҚ сўзининг синонимларини Sinonim.uz сайтида қидириб кўринг.
YORLIQ сўзининг лотинча ёзилиши Lotin.uz сайти томонидан тақдим қилинган.
ёрлиқ сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар