ёриш
билан улашинг
1. Ёруғ бўлмоқ, ёримоқ.
-
Кун ёришди.
-
Ҳамма ёқ сутдек ёришди. С. Аҳмад, Ҳукм
-
Тонг аллақачон ёришиб, кўчалар одамга тўлган. М. Исмоилий, Фарғона тонг отгунча
-
Офтоб яна ёришди. А. Қаҳҳор, Минг бир жон
2. кўчма Хурсандлик, шодлик аломати пайдо бўлмоқ (юзда ва кўзда).
-
Мурзин худди шу сўроқни кутиб тургандек ёришиб кетди. Шуҳрат, Шинелли йиллар
-
— Ҳа-а, Жўрахон! — деди бирдан ёришиб Ғуломжон. М. Исмоилий, Фарғона тонг отгунча
3. Енгил тортмоқ; тузалмоқ, соғаймоқ.
-
Қутидор қизнинг пешонасини ушлади: — Эй-ҳа Кумуш, ҳали иссиғинг бор, — деди у. —Ўзингни тежа, қизим, ўрнингни қалин қилиб, бурканиб ёт, терласанг, ёришасан, қизим. А. Қодирий, Ўтган кунлар
-
[Жўрабек] Душанба, сешанба кунлари сафро ташлаб, руҳи ёришган кишидек анча енгил тортди. Мирмуҳсин, Қуламас қоя
ёриш сўзи қатнашган жумлалар:
Кўнгли (ёки дили, чеҳраси) ёришмоқ
-
Унинг [Саодатхоннинг] кўнгли ёришиб, қадами дадиллашди. С. Зуннунова, Янги директор
-
Тўра овқатни иштаҳа билан ичар экан, кўнглига келган бир фикрдан дили ёришиб кетди. Н. Фозилов, Дийдор
-
Тальъат Гавҳарни эслади-ю, чеҳраси ёришиб кетди. Ў. Ҳошимов, Қалбингга қулоқ сол
Ёрмоқ феълининг биргалик нисбати.
-
Ўтин ёришмоқ.
ЁРИШ сўзининг синонимларини Sinonim.uz сайтида қидириб кўринг.
YORISH сўзининг лотинча ёзилиши Lotin.uz сайти томонидан тақдим қилинган.
ёриш сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар