Izoh.uz saytida bostir so‘zining izohi va ma’nolari

bostir

So‘zni do‘stlar
bilan ulashing

fe’l

1. Bosmoq 1-5, 7, 9-12, 16-17, 23-25 feʼllarining orttirma nisbati.

Hujjatga muhr bostirmoq. Qoʻlyozmani mashinkada bostirmoq. Ariqlarning chetiga chim bostirmoq.
Koʻklam kelib, Oltinoy yerni bir oz yumshatib, pol oldiribdi, donni sepib, suv bostiribdi. Oʻzbekiston qoʻriqlari
Oshning sabzi-piyozini bostirib qoʻydi. H. Gʻulom, Toshkentliklar
Maxsumov qoʻy soʻyib, goʻshtini tovoqlarga bostirib, shoʻrvasini kattakon ter-mosga solib keldi. M. M. Doʻst, Lolazor
Choponimga oʻranib, qalpogʻimni bostirib oldim. Sh. Xolmirzayev, Yoʻllar

2. Zoʻrlik bilan boʻysundirmoq, tor-mor qilmoq; tinchlik oʻrnatmoq.

Xon qurolsiz xalqning qonini toʻkib, zoʻrlik bilan isyonni bostirdi. J. Sharipov, Xorazm

3. Ustidan ogʻir narsa bilan bosib qoʻymoq.

Doʻppi yelimlangandan keyin, taxti yaxshi chiqsin deb, uni taxtakachga bostirib qoʻyadi, toʻgʻrimi? Shukrullo, Saylanma
Sochlarini naridan-beri oʻrab, qalpoq bilan bostirdi. Mirmuhsin, Meʼmor

4. Qayirib tikmoq.

Dasturxonning chetini bostirmoq.

bostir soʻzi qatnashgan jumlalar:

Bostirib kelmoq

1. Kuch, zoʻrlik bilan bosib kelmoq.

Zarifboy otini niqtab, Avazning ustiga bostirib keldi. S. Siyoyev, Avaz
U boyvachchaning ustiga bostirib keldi-da, boltani koʻtardi. K. Yashin, Hamza

2. Bexosdan kelib qolmoq.

Nega uyga bostirib kelasiz?! Keting Yoshlik

Bostirib kirmoq

1. Kuch, zoʻrlik bilan bosib kirmoq, kirib kelmoq.

Ey, qandaqa xotin bu, birovning uyiga bostirib kiradi? A. Qahhor, Mayiz yemagan xotin
Olomon yoniga qipchoq sipohilari kelib qoʻshilgandan keyin, Oʻrdaga bostirib kirdilar-da, Azizbekni ushlab ham oldilar. A. Qodiriy, Oʻtgan kunlar
ichkariga moʻr-malaxdek bir necha sallali yigit bostirib kirdi. Yoshlik

2. koʻchma Chulgʻamoq, egallamoq.

Ayqash-uyqash qoʻrqinchli oʻylar miyasiga bostirib kiraverdi. A. Koʻchimov, Halqa

Bostirib bormoq

Zoʻrlik bilan, ruxsatsiz kirib bormoq.

Biz hech kimning yeriga bostirib bormadik. Yoshlik
— Men hali gʻalaba qozonib, dushman ustiga bostirib borishni istayman, — dedi Nizomiddin. Mirmuhsin, Meʼmor

BOSTIR so‘zining sinonimlarini Sinonim.uz saytida qidirib ko‘ring.

БОСТИР so‘zining kirillcha yozilishi Lotin.uz sayti tomonidan taqdim qilingan.

Ro‘yxatga qo‘shish

Saytdagi o‘rni

19229

So‘zning teskari yozilishi

ritsob

Harflar soni

Ko‘rishlar soni

198

bostir so‘ziga yangi izoh qo‘shing

Oldingi 10 ta so‘z

Keyingi 10 ta so‘z

bostir so‘zi ishlatilgan saytlarni internetda qidiring

Google Яндекс Bing

Siz uchun qiziq bo‘lishi mumkin bo‘lgan so‘zlar

ablahona Zulfiyaxonim achchiqlantir abraziv abonent abstraktlashtir Nizomiy abbosiy acha

Alifbo bo‘yicha

A B D E F G H I J K L M N O P Q R S T U V X Y Z O‘ G‘ Sh Ch

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.

Batafsil

Tasodifiy so‘zlar

Hammasini ko‘rish

Yangi so'zlar

Hammasini ko‘rish

Izoh.uz loyihasi haqida

Izoh.uz — O‘zbek tilining xalqona izohli lug‘ati 35 000 dan ortiq so‘zlarning ma’nolari ibora va misollar bilan keltirilgan.

Yillar davomida “O‘zbek tili kuni”ga bag‘ishlab, o‘zbek tilini o‘rganuvchilar, jurnalistlar, tarjimonlar, kopirayterlar, blogerlar va boshqalar uchun foydali loyihalarni ishga tushirishni an’anaga aylantirganmiz. Bizning jamoa Lotin.uz, Imlo.uz, Sinonim.uz, Sarlavha.com loyihalarini hukmingizga havola qilgan.

Batafsil Izoh.uz loyihasi haqida