bulbul

1. Chumchuqsimonlar turkumining qorayaloqlar oilasiga mansub sayroqi qush.

1. Bulbul chamanni sevar, Odam — Vatanni, Maqol

2. Qush yoʻq joyda qurbaqa — bulbul. Maqol.

3. Ey dilrabo, ishqing bilan devona boʻldim sogʻinib, Bulbul kabi tun kechalar giryona boʻldim sogʻinib. Hamza

4. Hammayoq jimjit. Faqat onda-sonda bulbullar nolasi eshitiladi. I. Rahim, Chin muhabbat

2. koʻchma Xushovoz xonanda; mohir notiq.

1. Zoʻrgʻa-zoʻrgʻa qayrilib, yoniga qaradi: sevimli bulbuli, sochlarini toʻzgʻitib, shirin uyquda rohat qilmoqda edi. Choʻlpon, Kecha va kunduz

2. Ergash ota haqiqatan ham xalq koʻnglini xonish qiluvchi shoir, xalq dardini, tilak-orzusini kuylovchi bulbul edi. OʻTA

3. koʻchma Oshiq, xushtor.

1. Gul shoxiga bulbul qoʻnsa, bir qoʻnsin, Ikki bulbul qoʻnsa, sira qoʻnmasin. Qoʻshiqlar

2. Qaytayin, soʻlgandi chamanda gulim, Qoʻlimdan uchdi-ku mening bulbulim. Nurali

3. Qiz qizil gul boʻlganda, yigit — bulbul, Gulni izlab bulbul bogʻda tunamasmi?! Qoʻshiqlar

Oʻzbek xalq amaliy sanʼatining koʻp sohalarida qoʻllanadigan, oʻyma va quyma usullarda bajariladigan naqsh.