Izoh.uz saytida davlat so‘zining izohi va ma’nolari

davlat

ot

Oʻz fuqarolarining ijtimoiy-siyosiy huquqlarini himoya qiluvchi, bunga qarshi turuvchi kuchlarning qarshiligini sindiruvchi hokimiyat organlari va siyosiy tashkilotlari tizimiga ega boʻlgan mustaqil mamlakat.

  1. Oʻzbekiston davlati. Temuriylar davlati. Davlat apparati. Davlat byudjeti. Davlat gerbi. Davlat intizomi. Davlat mulki.

  2. Chindan ham vaqtli hukumat davlat tepasiga chiqdi-yu, lekin amalda podshoning xalqqa qarshi siyosatini davom ettirdi. K. Yashin, Hamza

  3. Temur tomonidan tuzilgan davlatning sistemasi ham qiziqarlidir. Fan va turmush

  4. Davlat qurib bersin, deb oʻtirmay, hashar bilan bitirib qoʻyadi. U. Hoshimov, Qalbingga quloq sol

1. Boylik, mol-dunyo, mol-mulk.

  1. Yaxshi niyat — yarim davlat. Maqol

  2. Davlat tugar, bilim tugamas. Maqol

  3. Mablagʻ, davlat, sarmoya! Bizda oʻsha yoʻq. K. Yashin, Hamza

  4. Rixsiboy aka davlat keladigan manbani axtara boshladi. R. Fayziy, Choʻlga bahor keldi

  5. Odam ishlatish xoʻp yaxshi narsa-da. Xizmatkorlar har kuni davlatimga davlat qoʻshadi. Oybek, Tanlangan asarlar

2. koʻchma Maʼnaviy boylik; baxt, omad.

  1. Sogʻliging — davlating. Maqol

  2. Hamjihatlik — davlat, Yolgʻizlik —kulfat. Maqol

  3. Davlating — ota-onang. Maqol

  4. Muqaddas mozordan senga uzoq umr, ketmas davlat, insof va tavfiq tilaganman, bolam! K. Yashin, Hamza

  5. Davlat qoʻnsa bir chivinning boshiga, Semurgʻ qushlar salom berar qoshiga. Murodxon

3. koʻchma ( Oʻ.-p.k. bilan) Orqasida, soyasida, koʻmagida.

  1. Otangning davlatida tezroq toʻyni qilib, bu tarang qoʻgʻirchoqni tezroq bagʻringga bosmaysanmi, landavur! Mirmuhsin, Meʼmor

  2. Qarib, oʻgʻil-qizlarning davlatida yeb-ichib, kiyib, yayrab oʻtiradigan paytida S. Zunnunova, Olov

4. Davlat (erkaklar va ayollar ismi).

davlat soʻzi qatnashgan jumlalar:

Arkoni davlat

Davlatning ulugʻlari, davlatning tayanchlari.
  1. Arkoni davlat Chambilda bejoy koʻp deb, Shigʻirlatib opkep kiyim tashladi. Gulnorpari

  2. Ikki yonida arkoni davlat qulluq maqomida turibdi. S. Siyoyev, Yorugʻlik

Davlati koʻtaradi

Mol-dunyosi koʻp; qurbi yetadi.
  1. Biz katta boymiz davlatimiz koʻtaradi. Oybek, Tanlangan asarlar

Taxti davlat

Davlat hukmronligi, podshoqlik.
  1. Bu yerda taxti davlating, Ketar mendayin ulfating Erali va Sherali.

Boshiga davlat qushi qoʻnmoq

Tolei ochilmoq, omadi kelmoq.
  1. [Sifat buvi Jamilaga:] Aylanay, qizim! Nahotki boshingga davlat qushi qoʻnsa-yu, uni kaltak olib, oʻzing quvlasang! Hamza, Boy ila xizmatchi

Davlatingiz (yoki davlatlari) koʻlankasida (yoki soyasida) yoki soyayi davlatlarida (yoki davlatingizda)

Sizning panohingizda, himoyangiz, gʻamxoʻrligingiz ostida (mulozamat yuzasidan, koʻpincha kirish iborasi sifatida ishlatiladi).
  1. Siz oqposhshoning davlati soyasida yurt soʻrab, umringiz aysh-ishrat, nashʼu namo bilan oʻtyapti. K. Yashin, Hamza

  2. — Yigitlaringizning barchasi ham quruq qolmadimi? — Davlatingiz soyasida, taqsir! A. Qodiriy, Oʻtgan kunlar

  3. — Xudoga shukur, davlatlari koʻlankasida, — deb qoʻrboshi tavozelandi va qoʻl qovushtirib, qushbegining yaqiniga choʻkkashdi. A. Qodiriy, Oʻtgan kunlar

Davlatlari yori bersa

Oʻzlarining madadlari bilan baxtimiz chopsa, omadimiz kelsa.
  1. Davlatlari yori bersa, albatta, bizning muddao ham shunda! A. Qodiriy, Oʻtgan kunlar

  2. Oʻgʻrilardan bittasi tutildi, davlatlari yori bersa, qolganlari ham ushlanur, deb oʻylayman! A. Qodiriy, Oʻtgan kunlar

Davlat qushi

1. Ertaklarda: valiahdi boʻlmagan xon oʻlganda, xon qilib koʻtariladigan kishini aniqlash uchun uchirilgan qush.
  1. Davlat qushi kelib, Rustamzodning boshiga qoʻndi. M. Mahmudov, Bulbuligoʻyo

2. koʻchma Bir kelib qolgan baxt, omad, tole.
  1. Baxting bunchalik kulgan ekan davlat qushini qoʻldan uchirish kufroni neʼmat, bolam! A. Qodiriy, Mehrobdan chayon

  2. Oltmish degan yoshingda davlat qushi boshingda. Habibiy,Devon


DAVLAT so‘zining sinonimlarini Sinonim.uz saytida qidirib ko‘ring.

ДАВЛАТ so‘zining kirillcha yozilishi Lotin.uz sayti tomonidan taqdim qilingan.

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.
Saytdagi o‘rni
522
So‘zning teskari yozilishi
talvad
Harflar soni
6
Ko‘rishlar soni
195

davlat so‘zi ishlatilgan saytlarni internetda qidiring

Google Яндекс Bing

Siz uchun qiziq bo‘lishi mumkin bo‘lgan so‘zlar

davlat so‘zining ma’nosi va izohi bilan batafsil tanishib chiqamiz. O‘ylaymizki, endi siz Izoh.uz saytidan foydalanib, davlat so‘zini lotin va kirill alifbosida to‘g‘ri va o‘z o‘rnida ishlata olasiz.

Izoh.uz loyihasi haqida

Izoh.uz — O‘zbek tilining xalqona izohli lug‘ati 35 000 dan ortiq so‘zlarning ma’nolari ibora va misollar bilan keltirilgan.

Yillar davomida “O‘zbek tili kuni”ga bag‘ishlab, o‘zbek tilini o‘rganuvchilar, jurnalistlar, tarjimonlar, kopirayterlar, blogerlar va boshqalar uchun foydali loyihalarni ishga tushirishni an’anaga aylantirganmiz. Bizning jamoa Lotin.uz, Imlo.uz, Sinonim.uz, Sarlavha.com loyihalarini hukmingizga havola qilgan.

Batafsil Izoh.uz loyihasi haqida

Loyihalarimiz

TVinfo.uz — Bugun, ertaga va keyingi hafta uchun to‘liq teledasturlar.

TVinfo.uz — Телепрограмма на сегодня, завтра и ближайшую неделю.

tvinfo.uz

O‘zbek Ismlarning to‘liq, batafsil ma’nosi, kelib chiqishi, shakllari. O‘zingiz va yaqinlaringizni ismlari ma’nosini bilib oling.

Полный смысл, происхождение, формы узбекских имён. Узнайте смысл своего имени и имён близких.

ismlar.com

DostavkaInfo — Taomlar, dorilar, kitoblar va boshqa uy uchun kerakli bo‘lagan narsalarni yetkazib berish xizmatlari bor servislar.

DostavkaInfo — Каталог сервисов, предлагающих доставку еды, лекарств, книг и товаров для дома.

dostavkainfo.uz

Lotin.uz — foydalanuvchilarga berilgan matnni lotindan kirillga va aksincha o‘girish xizmatini taklif etadi.

Lotin.uz — поможет транслитерировать с узбекской кириллицы на латиницу и обратно. Легко!

lotin.uz

Maqol va naqllarning eng katta kolleksiyasi. Har bir maqol uchta tilda (o‘zbek, rus, ingliz).

Самая большая коллекция пословиц и поговорок на трёх языках (узбекский, русский, английский).

maqollar.uz

Har kuni eng sara latifalar va kulguli rasmlar. O‘zbek tilidagi kulgu markazi!

Ежедневно только отборные анекдоты, смешные картинки. Кузница юмора на узбекском языке!

latifa.uz

Valyutani yuqori kursda almashtirish uchun yaqin punktlarni aniqlab beruvchi servis. Punkt joylashuvini kartada ko‘rsatadi.

Сервис, помогающий найти ближайшие пункты обмена валюты с выгодным курсом. Покажет местоположение пункта прямо на карте.

onmap.uz

O‘zbekcha telegram kanallarining eng katta katalogi. Faqt faol kanallar, ruknlarda va batafsil statistikasi bilan.

Самый большой каталог телеграм каналов в Узбекистане. Только активные каналы по категориям и с подробной статистикой.

uztelegram.com

O‘zbek tilida savodli yozishni biz bilan boshlang.

С нами вы научитесь грамотно писать на узбекском языке.

sarlavha.com

O‘zbek tilining sinonimlar lug‘ati. Saytda 3300 tadan ortiq so‘zlar, 900 ga yaqin sinonim so‘zlar to‘plamiga jamlangan.

Словарь синонимов узбекского языка на нашем сайте содержит более 3300 слов и 900 синонимов.

sinonim.uz
Izoh.uz saytining bazasida jami 35 853 ta so‘z bor
© Izoh.uz — O‘zbek tilining izohli lug‘ati, 2014–2024
Obuna va GoodGroup loyihasi. 18+