давлат

Ўз фуқароларининг ижтимоий-сиёсий ҳуқуқларини ҳимоя қилувчи, бунга қарши турувчи кучларнинг қаршилигини синдирувчи ҳокимият органлари ва сиёсий ташкилотлари тизимига эга бўлган мустақил мамлакат.

1. Ўзбекистон давлати. Темурийлар давлати. Давлат аппарати. Давлат бюджети. Давлат герби. Давлат интизоми. Давлат мулки.

2. Чиндан ҳам вақтли ҳукумат давлат тепасига чиқди-ю, лекин амалда подшонинг халққа қарши сиёсатини давом эттирди. К. Яшин, Ҳамза

3. Темур томонидан тузилган давлатнинг системаси ҳам қизиқарлидир. Фан ва турмуш

4. Давлат қуриб берсин, деб ўтирмай, ҳашар билан битириб қўяди. У. Ҳошимов, Қалбингга қулоқ сол

1. Бойлик, мол-дунё, мол-мулк.

1. Яхши ният — ярим давлат. Мақол

2. Давлат тугар, билим тугамас. Мақол

3. Маблағ, давлат, сармоя! Бизда ўша йўқ. К. Яшин, Ҳамза

4. Рихсибой ака давлат келадиган манбани ахтара бошлади. Р. Файзий, Чўлга баҳор келди

5. Одам ишлатиш хўп яхши нарса-да. Хизматкорлар ҳар куни давлатимга давлат қўшади. Ойбек, Танланган асарлар

2. кўчма Маънавий бойлик; бахт, омад.

1. Соғлигинг — давлатинг. Мақол

2. Ҳамжиҳатлик — давлат, Ёлғизлик —кулфат. Мақол

3. Давлатинг — ота-онанг. Мақол

4. Муқаддас мозордан сенга узоқ умр, кетмас давлат, инсоф ва тавфиқ тилаганман, болам! К. Яшин, Ҳамза

5. Давлат қўнса бир чивиннинг бошига, Семурғ қушлар салом берар қошига. Муродхон

3. кўчма ( Ў.-п.к. билан) Орқасида, соясида, кўмагида.

1. Отангнинг давлатида тезроқ тўйни қилиб, бу таранг қўғирчоқни тезроқ бағрингга босмайсанми, ландавур! Мирмуҳсин, Меъмор

2. Қариб, ўғил-қизларнинг давлатида еб-ичиб, кийиб, яйраб ўтирадиган пайтида С. Зуннунова, Олов

4. Давлат (эркаклар ва аёллар исми).

давлат сўзи қатнашган жумлалар: