Izoh.uz saytida mulla so‘zining izohi va ma’nolari

mulla

So‘zni do‘stlar
bilan ulashing

1. Oʻrta Sharq, Markaziy Osiyo mamlakatlarida Madrasa taʼlimini olgan shaxs.

Madrasani tugatgach, oshiqlar yor vasliga oshiqqandek, mulla Abdurahmon ham oʻz shahriga yelib-yugurib yetdi. A. Qodiriy, Mehrobdan chayon

2. Din arbobi, ulamo.

Mullaning aytganini qil, qilganini qilma. Maqol
Choʻrilikni mullalar senga qildilar taqrir [qaror]. Hamza
Buxoro shahrida Mirarab madrasasining miyon saroyida koʻp mullalar toʻplanishib, madrasaning vaqfi toʻgʻrisida gapirishmoqda edilar. S. Ayniy, Qullar

3. s. t. esk. Maʼlumotli, oʻqimishli kishi.

Aytaylik, mening xizmatkorim mulla boʻldi-yu, omi boʻldi — menga bari bir emasmi? K. Yashin, Hamza
— Ha, mulla, charchamasdan, siqilmasdan yuribsanmi? Muncha ozib ketibsan? — dedi qori [Elmurodga]. P. Tursun, Oʻqituvchi

4. Hurmat yuzasidan murojaatda, gaplashganda, kishining ismiga qoʻshib aytiladi.

— Dunyoning ishi shunaqa ekan, mulla Ali! — deb uni yupatib qoʻydi [Otabek]. A. Qodiriy, Oʻtgan kunlar
Loaqal bir kaft tuproq tashlasangiz-chi, mulla yigit! Oʻ. Hoshimov, Qalbingga quloq sol

mulla soʻzi qatnashgan jumlalar:

Mulla boʻlmoq

1. Oʻqib, maʼlumotli boʻlmoq, oʻqimishli boʻlmoq.

U oʻqib, mulla boʻlib, biror shaharni olib berarmidi menga! K. Yashin, Hamza;

2. Taʼzirini yeb, koʻzi ochilmoq.

Qamoqdan jindak boʻlsa ham mulla boʻlib qaytganligim shu lahzada kuchini koʻrsatdi. X. Lutfullayev, Baxti kulgan yigit

Mulla qilmoq

1. Madrasa maʼlumotini bermoq.

— Xoʻp, qizim, xoʻp, pochchasi boqmasa boqmasin, men oʻzim boqaman, oʻqitib, katta mulla qilaman, — dedi Mohlar oyim. A. Qodiriy, Mehrobdan chayon

2. Savodini chiqarmoq, maʼlumotli qilmoq;

3. koʻchma Taʼzirini bermoq.

Mavlon Musayevich oʻrnidan turdi. Oʻzicha Zumradni bir mulla qilib qoʻymoqchi boʻldi. S. Siyoyev, Otliq ayol

Mulla jiring, mullajiring

so‘zlashuv tili Pul.

Senga oʻxshash, menga oʻxshash moyjuvozi borlar soliq toʻlamay qoʻysa, sovetning hamyoniga mulla jiring qayoqdan tushadi? P. Tursun, Oʻqituvchi

Mulla mingan eshakday

dagʻl. Oʻta yuvosh.

Aziza ham eri bir kunmas-bir kun mulla mingan eshakday, yuvosh tortib kelishini kutib yurdi. Oʻ. Hoshimov, Qalbingga quloq sol
Qamoqda ezilsa, mulla mingan eshakday bir kunmas-bir kun balki chiqib kelar Oybek, Tanlangan asarlar.

MULLA so‘zining sinonimlarini Sinonim.uz saytida qidirib ko‘ring.

МУЛЛА so‘zining kirillcha yozilishi Lotin.uz sayti tomonidan taqdim qilingan.

Saytdagi o‘rni

24626

So‘zning teskari yozilishi

allum

Harflar soni

Ko‘rishlar soni

1576

mulla so‘zi ishlatilgan saytlarni internetda qidiring

Google Яндекс Bing

Siz uchun qiziq bo‘lishi mumkin bo‘lgan so‘zlar

aʼzo abzal Sherdor ablahlik aberratsiya achinarli Saturn achishtir ablahona

mulla so‘zining ma’nosi va izohi bilan batafsil tanishib chiqamiz. O‘ylaymizki, endi siz Izoh.uz saytidan foydalanib, mulla so‘zini lotin va kirill alifbosida to‘g‘ri va o‘z o‘rnida ishlata olasiz.

Alifbo bo‘yicha

A B D E F G H I J K L M N O P Q R S T U V X Y Z O‘ G‘ Sh Ch

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.

Batafsil

Tasodifiy so‘zlar

Hammasini ko‘rish

Yangi so'zlar

Hammasini ko‘rish

Izoh.uz loyihasi haqida

Izoh.uz — O‘zbek tilining xalqona izohli lug‘ati 35 000 dan ortiq so‘zlarning ma’nolari ibora va misollar bilan keltirilgan.

Yillar davomida “O‘zbek tili kuni”ga bag‘ishlab, o‘zbek tilini o‘rganuvchilar, jurnalistlar, tarjimonlar, kopirayterlar, blogerlar va boshqalar uchun foydali loyihalarni ishga tushirishni an’anaga aylantirganmiz. Bizning jamoa Lotin.uz, Imlo.uz, Sinonim.uz, Sarlavha.com loyihalarini hukmingizga havola qilgan.

Batafsil Izoh.uz loyihasi haqida