tansiq

1. Kam qilinadigan yoki biror joyda kam boʻladigan, lekin sevib yeyiladigan.

1. Tansiq ovqat. Tansiq meva.

2. Qazi-qarta, kabob, palov, beshbarmoq, Qovun-tarvuz, meva, sarimoy, qaymoq, Tansiq hisoblangan har nimaki bor, Dasturxonimizda sizga intizor. Uygʻun

2. Umuman, kam topiladigan, kam boʻladigan, kam uchraydigan; noyob.

1. Adolat izvoshdagi tansiq mollar, zeb-ziynat buyumlarini koʻrib, shularning hammasi bir brigadaga tegishli ekaniga ishonmadi. I. Rahim, Chin muhabbat

2. — Juda iymansangiz, mana, bir quchoq gul, bera qolasiz, — dedi hazilsimon Komila. — Ana tansiq sovgʻa! Oybek, Oltin vodiydan shabadalar

3. [Tantiboyvachcha] Jondor vagonchi kabi doʻstini gʻoyat quvontirgan ajoyib tansiq oʻtirish vaʼdasining bunday ishkal boʻlib chiqqanidan uyaldi. Oybek, Tanlangan asarlar