tizginla

1. Ot, eshak va boshqalar hayvonlar boshiga tizgin bogʻlamoq, tizgin solmoq; jilovlamoq.

1. Kishnoqini faqat Andriyan tizginlay olardi. Gazetadan

2. koʻchma Oʻz amriga, irodasiga boʻysundirmoq, itoat qildirmoq; jilovlamoq.

1. — Uch raisdan birini tanlash mumkin, — dedi Zunnunov, — katta xoʻjalik, odamlari har xil, ularni tizginlab oladigan keksaroq, tajribaliroq odam kerak-da! I. Rahim, Ixlos

2. Qoplonbekning ichiga tushgan har qadah konyak soʻz boʻlib qaynasa ham, u oʻzini tizginlab turardi. Shuhrat, Jannat qidirganlar

3. Asov daryolar tizginlanib, ulardan nur va quvvat olinayotir. Gazetadan