toliq

1. Kuch-madori qurimoq, tinkasi qurimoq, holdan toymoq; madorsizlanmoq.

1. Beli toliqmoq. Qoʻli toliqmoq. Koʻzi toliqmoq.

2. Allaqayerda koʻrganim chip-pa-chin esimda turipti-yu, rostini aytsam, ajratolmayapman, toliqibman shekilli. S. Karomatov, Oltin qum

3. Uning toliqqani, ruhan qiynala-qiynala tunlari yaxshi uxlay olmagani rang-roʻyidan koʻrinib turardi. Shuhrat, Shinelli yillar

4. Kun isidi, amir-zodam. Yoz ramazoni tinkani quritur. Ertagacha toliqib qolmasinlar. P. Qodirov, Yulduzli tunlar

2. Hayot-ehtiyoj narsalaridan kamchiligi boʻlmoq, siqilmoq, shu jihatdan qiyin, nochor ahvolda boʻlmoq.

1. Oziq-ovqatdan toliqmoq.

2. Tanbalning yoshiga yetguncha koʻp gʻalabalarni koʻrursiz. Holbuki, bu urushlardan el-ulus behad toliqdi. P. Qodirov, Yulduzli tunlar

3. Bola-chaqasi toliqsa ham, yemay-ichmay orttirganini olib kelib, shayxlar oyogʻiga toʻkadi. K. Yashin, Hamza