Izoh.uz сайтида димоғ сўзининг изоҳи ва маънолари

димоғ

Сўзни дўстлар
билан улашинг

от

1. анат. Бурун бўшлиғи билан оғиз бўшлиғининг туташадиган ери; ҳалқумнинг юқори бўлими.

Гулрўйнинг димоғига гуп этганча нам тупроқнинг хуш бўйи урди. Ёшлик
Ўчоқда дамлаб қўйилган палов ҳиди димоғига урилиб, иштаҳасини қитиқлади. Ёшлик

2. кўчма Руҳий ҳолат, кайфият.

Жаранглашиб, димоғлари чоғ бўлиб, Урганч элга ҳаммаси тўйга кетди. Юсуф ва Аҳмад
Аҳмаднинг ҳам димоғи чоғлашди. Ф. Мусажонов, Ҳиммат

3. кўчма Ўзини баланд тутиш, кибр-ҳаво, кеккайиш, такаббурлик.

Такаббур, олифта хонимлар димоғ билан кеккайиб, индамай ўтирарди. Ойбек, Нур қидириб
Кейинги кунларда Рашидда димоғ пайдо бўла бошлади. Шарқ юлдузи

димоғ сўзи қатнашган жумлалар:

Димоғида гапирмоқ

Бўғиқ овоз билан ёки пўнғиллаб гапирмоқ; кулмоқ.

У димоғида гапирар эди. Унинг овози пинғиллаб эшитилгани учун Бегимхон пиқиллаб кулиб юборди. И. Раҳим, Чин муҳаббат

Димоғи баланд ёки калондимоғ

Бировни менсимайдиган, кеккайган, манман.

— У кишининг олдида ўн соат турсангиз ҳам индамайди, шунақа димоғи баланд, — деди. Ойдин,Ҳикоялар
Бежой баланд шу чопсоннинг димоғи. Ҳасанхон
— Йўқ, — деб ўйлади Яхшибоев, бу элчининг димоғи баланд. М. М. Дўст, Лолазор
Бизнинг раис ўжарроқ, Гап уқмас, калондимоғ. Муштум

Димоғи куймоқ

Фириб емоқ, панд емоқ,.

Икки йил бўлди куйган эди димоғим. Нигор ва Замон

Димоғи кўтарилмоқ

Ўзини бошқалардан баланд оладиган бўлиб қолмоқ, кеккаймоқ, манманлик қилмоқ.

Оббо! Раис бўлиб, димоғи кўтарилиб қопти-ку! С. Аҳмад, Қадрдон далалар
Кресло унинг димоғини кўтариб, амал ғурури бошини айлантириб қўйди. Газетадан

Димоғи шишмоқ

айн . димоғи кўтарилмоқ.

Бўлса уй-жой, [Канизакнинг] илгариги эридан қолган рўзғори бордир. Бу безотнинг [Сидиқжоннинг] димоғини шиширган шу нарса. А. Қаҳҳор, Қўшчинор чироқлари
Айтганингиздек, мингбошининг ўзи ҳам димоғи шишиб қолибди. Ҳамза,Асарлар

Димоғига қурт тушмоқ ёки димоғидан қурт (эшак қурт) ёғилмоқ

Жуда ҳам кеккайиб, ҳеч кимни менсимай қўймоқ.

Аввал уни муллаваччалар судради кейин Мамарайим афандининг димоғига қурт тушди. М. Исмоилий, Фарғона тонг отгунча.
[
Қайнотаси] Нарироққа бориб тўнғиллади: — Ҳемирининг тайини йўғ-у, димоғидан эшак қурт ёғилди. Ў. Ҳошимов, Қалбингга қулоқ сол

Димоғидан қор ёғмоқ

Қовоғи очилмайдиган, серзарда бўлиб қолмоқ, жаҳли чиқмоқ.

У
[Сатин бойвачча ҳовлига] ҳар кириб чиққанда, бир эт-бир эт тушар, димоғидан қор ёғар ва аламига чидолмасдан, пўнғиллаб ўтарди. Ҳ. Шамс, Душман

Димоғ қилмоқ

Арзимаган нарсага аразламоқ, зарда қилмоқ.

ДИМОҒ сўзининг синонимларини Sinonim.uz сайтида қидириб кўринг.

DIMOG‘ сўзининг лотинча ёзилиши Lotin.uz сайти томонидан тақдим қилинган.

Сайтдаги ўрни

2367

Сўзнинг тескари ёзилиши

ғомид

Ҳарфлар сони

Кўришлар сони

1315

димоғ сўзи ишлатилган сайтларни интернетда қидиринг

Google Яндекс Bing

Сиз учун қизиқ бўлиши мумкин бўлган сўзлар

Шердор ачинарли абгор абрў аббосий аъзам Ғиждувоний абстракт абадийлаштирил

димоғ сўзининг маъноси ва изоҳи билан батафсил танишиб чиқамиз. Ўйлаймизки, энди сиз Izoh.uz сайтидан фойдаланиб, димоғ сўзини лотин ва кирилл алифбосида тўғри ва ўз ўрнида ишлата оласиз.

Алифбо бўйича

А Б В Г Д Е Ж З И Й К Л М Н О П Р С Т У Ф Х Ц Ч Ш Э Ю Я Ў Қ Ғ Ҳ

Изоҳли луғат Savodxon лойиҳаси билан ҳамкорликда яратилди. Savodxon дастури матндаги имло хатоларини аниқлаш ва тузатишга имкон беради.

Батафсил

Тасодифий сўзлар

Ҳаммасини кўриш

Янги сўзлар