ҳайда

1. Бирор томонга қараб юришга қистамоқ; боришга мажбур қилмоқ; йўлламоқ.

1. Ўн бир кишини банди қилиб, қўлларини чилвир билан боғлатди-да, олдига солиб ҳайдаб кетди. К. Яшин, Ҳамза

2. Йигитали подани ўтган ҳафта ўтлаган ерига —

3. сой бўйига ҳайдади. Т. Малик, Ажаб дунё

4. Узоқда чироқ милтиллаб кўринди Отни тўғри ўша томонга ҳайдади. М. Ҳазратқулов, Журъат

2. кўчма Бирор томонга юритмоқ, йўналтирмоқ, йўналишини бурмоқ (жонсиз нарсалар ҳақида).

1. Кўтармалик билан ишинг бўлмасин! Сувни Сояриққа ҳайдаб, Оқсоқолнинг қулоғидан хабар ол. Н. Сафаров, Уйғониш

2. Катталар хўп деса, тоғни тешиб, Тожиксойни ҳайдаб келамиз. М. Исмоилий, Фарғона тонг отгунча.

3. Мавжуд жойидан, маълум макондан кетказмоқ, кетишга мажбур қилмоқ.

1. Ўша, Муқаддам ҳайдаб юборганидан бери бу уйга қадам босишга ҳақи йўқлигини биларди. Ў. Ҳошимов, Қалбингга қулоқ сол

2. Йўқ қайси диёнатли ота қўй оғзидан чўп олмаган ўғлини оқ қилиб, даргоҳидан ҳайдар экан?! К. Яшин, Ҳамза

3. Ўртоқлари олдида ялиниб борган экан, ҳайдашибди-ку Ҳ. Назир, Ёнар дарё

4. кўчма Йўқ қилмоқ; кетказмоқ.

1. Дилингиздаги васвасаларни ҳайданг. К. Яшин, Ҳамза

2. Экинзорларда бўладиган тонгги бир тароват муздек шабада — барчаси Авазнинг кўнглидан мужмағил, оғир туш асоратини ҳайдагандек бўлди. С. Сиёев, Аваз

3. Кек сақламас, дилхиралигини ҳайдаб, ўзини идора эта олар эди. С. Сиёев, Аваз

5. Иш, мансаб ва шу кабилардан четлатмоқ, маҳрум қилмоқ; қувмоқ, кетказмоқ.

1. ўшаларнинг ёрдами билан қамалмай қолибдилар-у, фақат ишдан ҳайдалибдилар. Э. Райимов, Ажаб қишлоқ

2. Николай тахтдан ҳайдалиб, инқилоб бўлган кун олти яшар гўдак эканман. Н. Сафаров, Оловли излар

3. Билса, институтдан ҳайдайди. Гулдаста

6. Транспорт воситасини миниб, юргизиб, бошқариб бормоқ.

1. Отам арава ҳайдар эди. Акам машина ҳайдайди.

2. У дўконларга газлама ташиди, извош ҳайдади. Ойбек, Танланган асарлар

3. Бирон кор-ҳол бўлмасин, деб моторга ўт бериб, жадал ҳайдаб кетди. С. Аҳмад, Юлдуз

7. Ерни махсус асбоб (плуг, омоч, сўқа каби) тиши билан тилиб, ёриб, ўйиб юмшатмоқ.

1. Ерни трактор билан ҳайдамоқ. Ер ҳайдасанг, куз ҳайда, куз ҳайдамасанг, юз ҳайда. Мақол

2. Тушдан кейин уйга келиб, буғдой ўраман арпадан бўшаган ерни ҳайдаб, мола босаман. С. Сиёев, Ёруғлик

8. ким. Иситиш ёки қайнатиш йўли билан таркибий қисмларга ажратмоқ; шу йўл билан бирор нарса ажратиб олмоқ.

1. Спирт ҳайдамоқ.