ҳурматли

1. Ҳурматга лойиқ, ҳурмат-эътибор қозонган; иззат-обрўга эга.

1. Бектемир генералларни урушнинг бутун ҳикматларини биладиган бағоят ҳурматли, азиз одамлар деб биларди. Ойбек, Қуёш қораймас

2. Асқар ота бу ҳурматли жувон бошқа хотинлардан рафтори билан ажралиб турар, деган бир ўйда эди, бироқ, Собирахон ёр-у дўстлари орасида шуларнинг бири бўлиб қолганини кўриб, ажабланди. А. Қаҳҳор, Хотинлар

2. Мурожаатда ҳурмат, такаллуфни ифодалайди.

1. У костюмининг чўнтагидан буклоғлик қоғоз олиб, яна Ёдгорга қараб қўйди: Ҳурматли институт раҳбарлари, домлалар. Ў. Ҳошимов, Қалбингга қулоқ сол

2. Асрорқул хатни товуш чиқариб ўқиди: — Ҳурматли Асрорқул ота! Эртага кечқурун меҳмонлар билан бирликда хизматингизда бўламиз А. Қаҳҳор, Асрор бобо