Izoh.uz сайтида ов сўзининг изоҳи ва маънолари

ов

Сўзни дўстлар
билан улашинг

от

1. Ёввойи ҳайвон, балиқ, қуш ва шу кабиларни турли йўллар билан тутиш, овлаш ёки отиш.

Балиқ ови. Бедана ови. Мерган овда билинар, ботир — ёвда. Мақол
Раҳимов куёвни тез-тез Тошкентга чорлаб турарди. Куёв ов ишқибози эди. Мирвали кўп қийинчиликлар билан бу тоғларга ўргатган кийикларни у қийратарди. С. Аҳмад, Жимжитлик

2. Ов қилинадиган, овланадиган жонивор; илвасин.

3. кўчма Қўлга туширилиши мўлжалланган кимса ёки нарса.

Юмалоқ, қорагина одам қўлидаги тўппончани маҳкам ушлагани ҳолда гандираклаб, сўкиниб овини қидира бошлади. Ойбек, Танланган асарлар

4. Овчининг ўлжаси.

Арслон оғзидан ов олинмас. Мақол
Сувонжон, тузоққа илинган овни чиқариб юборишдан қўрққан овчидек, қизни маҳкам қучоқлаганича, ёнғоқ томонга кета бошлади. С. Анорбоев, Оқсой

5. кўчма Содир бўлиши кутилаётган бирор воқеа-ҳодиса ҳақида.

Халқ қимирлаб қолди. Одамлар қулоғи овда. Турли-туман миш-миш гаплар. Одамлар аниқ бир тасаввурга эга бўлмагани учун ҳар ким ўз ҳолича фол очарди. Ёшлик

Ов қилмоқ

1. Ов иши билан шуғулланмоқ;

2. кўчма Бирор кимсани қўлга олиш учун унинг пайига тушмоқ.

Ов қуши

Илвасинга солинадиган қуш (масалан қирғий).

Ови юришмоқ ёки ови бароридан келмоқ

Иши юришмоқ, кўзланган мақсадга эришмоқ.

— Ови юришиб кетибди! —
деб аммамга қараган эдим, энсаси қотиб, ижирғаниб ўтирган аммам киноя билан деди: — Ови юришмасинми, ахир бир кунда икки-уч жойни овласа! Газетадан

Мурид ови

эскирган Эшон ва хўжаларнинг муридларни товлаш учун узоқ-яқиндаги муридлариникига қилган сафари.