пала-партиш

1. Айқаш-уйқаш, тартибсиз, бетартиб.

1. Ўзиям [уй] анчадан бери супурилмаган стуллар ҳам жойларидан сурилган, пала-партиш қўйилганди. О. Ёқубов, Аямажиз

2. Унинг ёғи чиқиб кетган дўппи, пала-партиш кийимда кириб келганига Онахон ҳайрон қолди. Мирмуҳсин, Илдизлар ва япроқлар

2. Бир-бирига боғланмаган, қовушмаган; пойма-пой, ғализ.

1. Пала-партиш жумлалар. Пала-партиш гапирмоқ.

2. Пала-партиш гапга чечан Араббой яна бир нарса топиши мумкин эди. П. Турсун, Ўқитувчи

3. Ўйламай-нетмай қилинган; бемулоҳаза, чала-чулпа.

1. Пала-партиш иш. Пала-партиш иш қилмоқ.

4. Ўйламай-нетмай, чала-чулпа иш қиладиган, тартибсиз. Пала-партиш одам.

1. фақат айтилган ишни чала-чулпа бажарадиган ходим билан меҳнат интизомини бузувчи, ишда пала-партиш ходимнинг ўртасида қандай фарқ бор? Ўзбекистон қўриқлари