паст-баланд

1. Бўйи, баландлиги ҳар хил, ҳар хил баландликдаги.

1. Паст-баланд болалар.

2. Уфқни ўз гавдаси билан тўсган паст-баланд тоғлар қоп-қорайиб, ридо кийгандек силлиқ кўринарди. Шуҳрат, Шинелли йиллар

2. Турли табақадаги одамлар, катта-кичиклар.

1. [Оқилова:] Сиз маҳалланинг паст-баландини биласиз. И. Қаландаров, Шохидамас, баргида

3. Пастлик ва баландликлардан иборат; ўйдим-чуқур, нотекис.

1. Паст-баланд йўл.

2. Мана, ўшандан бери бир соатча вақт ўтди, шаҳар боғлари орқада қолиб, олдинда куйган калладай тап-тақир дашт, паст-баланд адирлар бошланди. О. Ёқубов, Эр бошига иш тушса

3. Улар тор кўчани чангитиб, гурс-гурс қадам ташлаб ўтишди, паст-баланд тепаликлар этагида тўхташди. С. Сиёев, Ёруғлик

4. Турли икир-чикир, майда-чуйда, борди-келдилардан иборат бўлган.

1. Паст-баланд гаплар.

2. Ҳаммада бўладигандек, тирикчилик важидан баъзан ўртамизда паст-баланд гаплар ҳам ўтган. К. Яшин, Ҳамза