қўнғироқ
билан улашинг
1. Силкитилганда, тили деворларга урилиб садо чиқарадиган, тўнтарилсан конус шаклидаги металл асбоб.
-
Мис қўнғироқ. Бутхона қўнғироғи. Қўнғироқ чалмоқ. Туясидан қўнғироғи қиммат. Мақол
-
Бўйинларига осилган қўнғироқларни оғир жаранглатиб, туялар ўтади. Ойбек, Танланган асарлар
2. Овоз чиқариб сигнал берадиган ҳар қандай мослама.
-
Соат қўнғироғи.
-
Холмат электр қўнғироқ кнопкасини босиши билан, хона ичкарисидан ёқимли овоз эшитилди. И. Раҳим, Чин муҳаббат
-
Каравот ёнидаги стол устида турган телефон қўнғироғи жиринглади. М. Жўрабоев, М. Б. мартабаси.
3. сўзлашув тили Телефон.
-
Тўхта, сен домла поччангни бу ерга киргизиб юбориб, ўзинг қўнғироқнинг олдида ўтир. Бирпасдан кейин мен қўнғироқ бераман. Ҳамза, Туҳматчилар жазоси
4. сфт. кўчма Жаранглама, ёқимли (овоз ҳақида).
-
— Мен сизни танимадим, — деди қиз қўнғироқ товуш билан қатъий. Шуҳрат, Шинелли йиллар
-
Унинг қўнғироқ овозини эшит-ган ҳар бир киши, узоқлардан бўлса ҳам етиб келарди. Ж. Шарипов, Хоразм
5. сфт. кўчма Буралиб-буралиб турадиган, жингалак (соч, жун ва шу кабилар ҳақида).
-
Сочи қўнғироқ қизча.
-
Халил жажжигина, истараси иссиқ, сочлари қўнғироқ, бўйи ўзига қарийб тенг келадиган дилкаш бир қиз билан танишди. Туйғун, Дўстлик севинчлари
қўнғироқ сўзи қатнашган жумлалар:
Қўнғироқ қилмоқ
-
Эрталабдан кечгача, гоҳида тунлари ҳам телефон трубкасига ёпишиб олиб, тўрт тарафга қўнғироқ қилади. Т. Алимов, Хушбичим йигит
ҚЎНҒИРОҚ сўзининг синонимларини Sinonim.uz сайтида қидириб кўринг.
QO‘NG‘IROQ сўзининг лотинча ёзилиши Lotin.uz сайти томонидан тақдим қилинган.
қўнғироқ сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
