Izoh.uz сайтида томоқ сўзининг изоҳи ва маънолари

томоқ

Сўзни дўстлар
билан улашинг

от

1. Бўйиннинг энгак ости (тумшуқ ости) қисми.

Канизак кўк рўмолини томоғининг тагидан боғлаб олган ерга қараб жадаллаб келар эди. А. Қаҳҳор, Қўшчинор чироқлари
Бирорта одам зиғирча камчилигимиз ҳақида оғиз очса, томоғидан ғиппа бўғамиз. Ф. Мусажонов, Ҳиммат

2. анат. Қизилўнгач билан кекирдак бошланадиган ер; бўғиз.

Томоқ оғриғи. Томоғим оғрияпти.
Қизда уйқу йўқ. Унинг бадани қизғин, томоғи қақраган, юраги шиддатли уради. Ойбек, Танланган асарлар
[Абдураҳмонбой] Томоғига совуқ ҳаво тиқилгандай, бир энтикди. Ҳ. Ғулом, Машъал
Ҳар ютуми томоқни қириб ўтади. П. Турсун, Ўқитувчи

3. Таом, овқат, овқатланиш.

Тамли томоқ. Томоқ емоқ. Томоқ қилмоқ. Қарини томоқ асрайди. Мақол
Уйдагиларнинг сўзларинигина эмас, ҳатто томоқ чайнашларини ҳам эшитса бўлар эди. А. Қодирий, Ўтган кунлар
Томоқдан кейин Отабек ҳам бир оз ухлаб олиш учун ётди. А. Қодирий, Ўтган кунлар

томоқ сўзи қатнашган жумлалар:

Томоқ қирмоқ

1. Томоққа урилиб (кириб) ўтадиган ҳаво билан овоз чиқармоқ (томоқни тозалаш ёки бошқа мақсадда, шунчаки).

У томоғини ора-сира қириб, энтикиб туриб гапирди. М. Исмоилий, Фарғона тонг отгунча
Дарвоза очаётган киши қаттиқ йўталиб, устма-уст тупурди ва томоқ кириб, Кир!, деди бўғилиб. Н. Аминов, Суварак

2. Шундай овоз билан нимадандир белги бермоқ, нимагадир ишора қилмоқ.

Томоқ кирсам, бас, шу тоб, Келтириб беш сих кабоб, Кўлимга тутиб шароб, Ичаверинг, хўп, дерди. Ғ. Маҳмудов, Вақтим зиқ
кекса бир уламо томоқ кириб, ўзидан хабар бермагани-да, ким билади, у сукунат яна қинча давом этар экан? М. Исмоилий, Фарғона тонг отгунча

Томоқни ҳўлламоқ

Ичимликдан (асосан, спиртли ичимликдан) бир оз олмоқ, ичмоқ.

Ёшликнинг охири, қариликнинг боши, дегандай, озроқ томоқни ҳўллаб олсак бўларди. Муштум

Томоғи тақилламоқ

1. Ейиш ёки ичишга жуда талабгор бўлмоқ.

Томоғи такиллаб турган Аҳмад бир отишда қадаҳни бўшатди. Ф. Мусажонов, Ҳиммат

2. Бирор нарсани ундириш, олиш, эгаллаш пайида бўлмоқ.

Ҳалиги Мамасаид деганимизнинг қизи ҳам бўйига етиб, кўзга кўриниб қолди. Бирорта ҳамёни каттароққа пулласам, деб томоғи тақиллаб юрибди. П. Турсун, Ўқитувчи

Томоғи қичимоқ

Бирор нарса ундиришни истамоқ, тама қилмоқ.

У томоғи қичиган куни бирор кишининг симини шартта узиб, уйига кириб кетади. Муштум

Томоғидан ўтмаслик

1. Таом ёки суюқликни юта олмаслик (асосан, касаллик туфайли).

Томоғидан [бувамнинг] ҳеч нарса ўтмайди, сув ичса ҳам, ғарғара қилиб ташлайверади. Газетадан

2. Еб-ичкиси келмаслик, кўнгли тортмаслик.

Қудрат томоғидан овқат ўтмай, икки қўли чеккасида, хаёл суриб кетди. Ҳ. Назир, Сўнмас чақмоқлар

Томоғини ёғламоқ (ёки мойламоқ)

Пора бермоқ, пора ўрнидаги нарса билан сийламоқ.

Улар бойнинг қўзи ва қазилари билан томоғи мойланиб, ишни ёпиб юборган эдилар. С. Айний, Қуллар
Мудирга чўталь тўлаган юқоридаги кишилар бошликнинг томоғини мойладик, энди овози чиқмайди, деб бир порцияли овқатни уч порция қилиб, хўрандаларни чўмичдан қоқа бошладилар. Муштум

Текин томоқ

1. Ўзганинг меҳнати билан юзага келган овқат.

Текин томоқ ичагингни тешади. Мақол
Текин томоқ танни тоза қилади. Мақол

2. Ўзганинг ҳисобига яшовчи киши; текинхўр.

Аллонхўжа қўрасидаги қора ўтовларни оралаб, отбоқар-у фойтунчиларни, текин томоқ ялқовлар, деб сўкиб жувозга қувди. А. Мухтор, Қорақалпоқ қиссаси

Ҳаром томоқ

Ҳалол меҳнат билан эмас, ҳаром йўллар билан кун кечирадиган.

Ҳаром томоқ одам ўғридан ёмон. Уйғун, Ҳаёт чақиради

ТОМОҚ сўзининг синонимларини Sinonim.uz сайтида қидириб кўринг.

TOMOQ сўзининг лотинча ёзилиши Lotin.uz сайти томонидан тақдим қилинган.

Сайтдаги ўрни

12730

Сўзнинг тескари ёзилиши

қомот

Ҳарфлар сони

Кўришлар сони

437

томоқ сўзи ишлатилган сайтларни интернетда қидиринг

Google Яндекс Bing

Сиз учун қизиқ бўлиши мумкин бўлган сўзлар

абадийлаштирил абад абгор абсолютизм ачинарли абжирлик Мотуридий Қуръон аъмол

томоқ сўзининг маъноси ва изоҳи билан батафсил танишиб чиқамиз. Ўйлаймизки, энди сиз Izoh.uz сайтидан фойдаланиб, томоқ сўзини лотин ва кирилл алифбосида тўғри ва ўз ўрнида ишлата оласиз.

Алифбо бўйича

А Б В Г Д Е Ж З И Й К Л М Н О П Р С Т У Ф Х Ц Ч Ш Э Ю Я Ў Қ Ғ Ҳ

Изоҳли луғат Savodxon лойиҳаси билан ҳамкорликда яратилди. Savodxon дастури матндаги имло хатоларини аниқлаш ва тузатишга имкон беради.

Батафсил

Тасодифий сўзлар

Ҳаммасини кўриш

Янги сўзлар