устун

1. Томни кўтариб турувчи тик таянч ёғоч.

1. Меъмор айвонга қаради: пешайвоннинг ўша тўрт устуни кўзига оловдек кўринди. Мирмуҳсин, Меъмор

2. Лаъли отхонанинг ўт ялаётган хариларини, чарсиллаб ёнаётган устунларини кўрди. Ҳ. Ғулом, Машъал

2. архит. Бино пештоқи ва шифтининг асосий таянчи; колонна.

1. Театр пештоқининг устунлари. Фое устунлари.

2. Станция айвонининг баҳайбат устунлари, ранг-баранг ясаниб, поезд кутишга чиққан одамлар аста-секин суза бошлаганда, Элмурод тоқат қилолмади. П. Турсун, Ўқитувчи

3. Умуман, бирор нарсани кўтариб туриш, осиб қўйиш ва шу кабилар учун фойдаланиладиган узун тик ёғоч ёки шу тахлитда ишланган қурилма.

1. Чегара устуни. Йўл кўрсатувчи устун.

2. Ажалнинг ништари бағрим йиртади, Шиқирлатиб дор устунга тортади. Ширин билан Шакар

3. Кетмон кўтарган икки мўйсафид унинг ёнидаги электр устуни тагида гаплашиб ўтирарди. Ў. Умарбеков, Ёз ёмғири

4. физика Ҳаво босими ёки ҳарорат ўлчаш асбобларининг тик шиша найчаси ичидаги суюқлик.

1. Симоб устуни пасая бошлади.

2. Суюқлик устуни қанча баланд бўлса, босими шунча катта бўлади. Физика

5. кўчма Ушлаб, тутиб, сақлаб турувчи шахс; таянч, суянчиқ.

1. Афсуски, орамизда устоз Абдусамад Аввал йўқлар, маърифат иморатининг бир устуни йиқилиб тушди. М. Осим, Карвон йўлларида

2. Тунов куни шаҳардан чиқиб келаётган уч-тўрт оқсоқол мени кўрсатиб, районнинг устуни дегани қулоғимга чалинди. Р. Раҳмон, Меҳр кўзда

3. Устунлари тезлик билан яксон қилинган бўлса ҳам, эски жамият осонликча қуламади. ЎТА

устун сўзи қатнашган жумлалар:

Бирор жиҳатдан юқори, баланд, кучли.

1. Сон жиҳатдан устун.

2. Мирзакаримбойнинг қизи Нуринисонинг табиатида енгиллик билан макр устун турар эди. Ойбек, Танланган асарлар

3. Эл-юрт манфаатлари ҳар бир нарсадан устун ва улуғ. Н. Сафаров, Оловли излар

устун сўзи қатнашган жумлалар: