aya

1. Rahm-shafqat qilmoq, rahmdillik qilmoq.

1. Ayamasdan urmoq. Ayamasdan tanqid qilmoq. Yovni ayagan yara yer. Maqol

2. Devlarni ayamang, oʻldiring, Zargar. Malikayi ayyor.Zulfiya opa mugʻambir va aldoqchini va ayniqsa ayyor odamni yomon koʻradi, ayamaydi. Saodat

2. Ehtiyot holda tutmoq, ehtiyotlik bilan munosabatda boʻlmoq.

1. Ayagan koʻzga choʻp tushar. Maqol

2. Baʼzi ota-onalar bolalarini ayagan boʻladilar-da, ularni hayot uchun yaroqsiz, jismoniy zaif qilib qoʻyayotganlarini bilmay qoladilar. S. Zunnunova, Olov

3. Darigʻ tutmoq, hayf koʻrmoq; qizgʻanmoq.

1. U mendan hech narsani ayamaydi.

2. Maʼnaviyatni mustahkamlashga mehnat va mablagʻni ayamoq oʻzini kelajakdan mahrum qilish demakdir. Gazetadan

3. [Insof-diyonatli odam] qoʻli kaltalardan muruvvatini ayamaydi. Gazetadan

4. Mehnatingni ayamasang, suv boʻlsa, oʻzing ham, moling ham toʻq. S. Siyoev, Yorugʻlik