bel
bilan ulashing
1. Orqa suyakning (umurtqa pogʻonasining) pastki qismi.
-
Odamning beli. Otning beli. Beli bukchaygan. Bel muskullari. Bel ogʻrigʻi.
-
Beli sinib yotgan sarboz ham oyga tikilar, undan najot yoʻq. Mirmuhsin, Meʼmor
2. Gavdaning koʻkrak qafasi bilan boʻksa oʻrtasidagi eng xipcha qismi; biqin.
-
Beli yoʻgʻon odam. Beli xipcha qiz.
-
Tortishmachoq boshlandi: qiz tomondan gupchakdek yum-yumaloq xotin belini belbogʻ bilan mahkam bogʻlab, oʻrtaga tushdi. Oybek, Tanlangan asarlar
-
Ular qizning boʻyi, beli, yelkasi va qoʻllarini oʻlchab yozib olishdi. I. Rahim, Ixlos
-
Buviniso ikki qoʻli bilan belini ushlab, qaddini koʻtardi. Oydin, Hikoyalar
3. koʻchma Yon, choʻntak yoki belbogʻ maʼnosida.
-
Belimda pul, boshimda savagʻichdan toʻqilgan katta qafasda kukkulab turgan bir juft qumri. Gʻ. Gʻulom, Shum bola
-
Besh-oʻn qogʻozni belimga tugib, ust-boshimni but qilib yurtimga joʻnab ketay degandim. Oybek, Tanlangan asarlar
-
— Belimdagi zogʻora nonni suvga botirib yeb, kunni kech qildim, — dedi qalandar yigit Avazga. S. Siyoyev, Yorugʻlik
4. Biror narsaning oʻrta qismi, oʻrtasi.
-
Shoʻxsoy qishloqning qoq belidan ayqirib oqadi. H. Nazar, Soʻnmas chaqmoqlar
-
Poʻlat abzal, nayzalar sinib borar belidan. Nurali
-
U [Qoʻqon J Soʻx daryosi va undan tara-lib chiqadigan koʻplab ariqlardan sugʻoriladigan vohaning oʻrta belida joylashgan. K. Yashin, Hamza
5. koʻchma Jismoniy yoki moddiy kuchning ramzi.
-
Yomonga el boʻlguncha, Yaxshiga bel boʻl. Maqol
6. geogr. Togʻ va tepaliklarning egarsimon eng baland joyi.
-
Boʻz yigitlar bir gʻayrati toshib, Necha togʻdan, necha bellardan oshib Yodgor
-
Seni mingan beklar daryoday toshdi, Necha bel-u necha togʻlardan oshdi. Malikayi ayyor
7. Belini sindirmoq Katta moddiy, jismoniy yoki maʼnaviy zarar yetkazmoq.
-
Behuda harakat belni sindiradi. Maqol
-
Gapning belini sindirmanglar, jim turing, Haydarcha gapiraversin. S. Ayniy, Jallodlar
-
hosil nobud boʻldi, ishimizning beli sindi. S. Ayniy, Qullar
bel soʻzi qatnashgan jumlalar:
Beli ogʻrimoq
-
— Yosh, yangi dehqon-da, hali beli ogʻrimagan! — deydi Xolmirza aka. A. Qodiriy, Gʻirvonlik Mallavoy
Bel ogʻritmoq (yoki qayishtirmoq)
-
Ha, boʻlmasa, joningiz achiganimi bu? Yerni belingiz qayishib chopganingizda, joningiz achir edi. A. Qahhor, Qoʻshchinor chiroqlari
Beli ogʻrimaganning non yeyishiga qara (yoki non yeyishini koʻr)
Bel olishmoq (yoki ushlashmoq)
-
Elmurod sahn oʻrtasida toʻplanishgan yoshlar tomonga ketdi. Bu yerda kurash boshlangan boʻlib, Davlatyor bilan Maʼmurjon bel olishmoqda edi. P. Tursun, Oʻqituvchi
-
Bel ushlashganda, otangni ayama. Maqol
-
Sidiqjon sizga shogird tushmoqchi. Mallavoy kuldi: — Men bilan bel ushlashmoqchi deng. A. Qahhor, Qoʻshchinor chiroqlari
Bel bogʻlamoq
-
Doʻstlarim Siz bilan biz ulugʻ ishga bel bogʻladik. Bu gʻoyat xatarli ish. Ammo biz qoʻrqmaymiz. H. Gʻulom, Mashʼal
-
Bobur juda bir qaltis ishga bel bogʻlaganini sezdi. P. Qodirov, Yulduzli tunlar
Beliga tepmoq
-
Senmisan? Ammo uyquning ham beliga tepding-da, Tinchlikmi oʻzi? O. Yoqubov, Pyesalar
-
Suhbat avjiga chiqqanda kirib kelgan ikki yigit gapning beliga tepdi. S. Mahkamov, Dala tongi
Belini koʻtarmoq
-
ekin maydonlarini koʻpaytirish kolxozning belini koʻtarishga katta kuch boʻlar edi. S. Zunnunova, Olov
Beli uzilmoq
-
Biz xudoning suygan bandalarimiz, bizga osilganlarning beli choʻrt uziladi! K. Yashin, Hamza
Belini bukmoq
-
Toʻgʻri, sening qaroring juda toʻgʻri, qurolimiz boʻlmasa, Kuropatkin belimizni bukib qoʻyadi! N. Safarov
Yer qazish, sochilgan narsalarni olib solish, toʻplash uchun ishlatiladigan yogʻoch sopli temir qurol; belkurak.
-
Bel bilan yer kovlamoq. Belni peshlagan bilar, yerni ishlagan bilar. Maqol
-
Koʻp gapirgandan koʻra, qoʻlingga belni ol-da, dalaga chiq. Yoshlik
BEL so‘zining sinonimlarini Sinonim.uz saytida qidirib ko‘ring.
БЕЛ so‘zining kirillcha yozilishi Lotin.uz sayti tomonidan taqdim qilingan.
bel so‘zi ishlatilgan saytlarni internetda qidiring
Google Яндекс BingSiz uchun qiziq bo‘lishi mumkin bo‘lgan so‘zlar
Izoh.uz loyihasi haqida
Izoh.uz — O‘zbek tilining xalqona izohli lug‘ati 35 000 dan ortiq so‘zlarning ma’nolari ibora va misollar bilan keltirilgan.
Yillar davomida “O‘zbek tili kuni”ga bag‘ishlab, o‘zbek tilini o‘rganuvchilar, jurnalistlar, tarjimonlar, kopirayterlar, blogerlar va boshqalar uchun foydali loyihalarni ishga tushirishni an’anaga aylantirganmiz. Bizning jamoa Lotin.uz, Imlo.uz, Sinonim.uz, Sarlavha.com loyihalarini hukmingizga havola qilgan.
Batafsil Izoh.uz loyihasi haqidaLoyihalarimiz
TVinfo.uz — Bugun, ertaga va keyingi hafta uchun to‘liq teledasturlar.
TVinfo.uz — Телепрограмма на сегодня, завтра и ближайшую неделю.
O‘zbek Ismlarning to‘liq, batafsil ma’nosi, kelib chiqishi, shakllari. O‘zingiz va yaqinlaringizni ismlari ma’nosini bilib oling.
Полный смысл, происхождение, формы узбекских имён. Узнайте смысл своего имени и имён близких.
DostavkaInfo — Taomlar, dorilar, kitoblar va boshqa uy uchun kerakli bo‘lagan narsalarni yetkazib berish xizmatlari bor servislar.
DostavkaInfo — Каталог сервисов, предлагающих доставку еды, лекарств, книг и товаров для дома.
Lotin.uz — foydalanuvchilarga berilgan matnni lotindan kirillga va aksincha o‘girish xizmatini taklif etadi.
Lotin.uz — поможет транслитерировать с узбекской кириллицы на латиницу и обратно. Легко!
Maqol va naqllarning eng katta kolleksiyasi. Har bir maqol uchta tilda (o‘zbek, rus, ingliz).
Самая большая коллекция пословиц и поговорок на трёх языках (узбекский, русский, английский).
Har kuni eng sara latifalar va kulguli rasmlar. O‘zbek tilidagi kulgu markazi!
Ежедневно только отборные анекдоты, смешные картинки. Кузница юмора на узбекском языке!
Valyutani yuqori kursda almashtirish uchun yaqin punktlarni aniqlab beruvchi servis. Punkt joylashuvini kartada ko‘rsatadi.
Сервис, помогающий найти ближайшие пункты обмена валюты с выгодным курсом. Покажет местоположение пункта прямо на карте.
O‘zbekcha telegram kanallarining eng katta katalogi. Faqt faol kanallar, ruknlarda va batafsil statistikasi bilan.
Самый большой каталог телеграм каналов в Узбекистане. Только активные каналы по категориям и с подробной статистикой.
O‘zbek tilida savodli yozishni biz bilan boshlang.
С нами вы научитесь грамотно писать на узбекском языке.
O‘zbek tilining sinonimlar lug‘ati. Saytda 3300 tadan ortiq so‘zlar, 900 ga yaqin sinonim so‘zlar to‘plamiga jamlangan.
Словарь синонимов узбекского языка на нашем сайте содержит более 3300 слов и 900 синонимов.