bela

Chaqaloqni beshikka yotqizib, qoʻlbogʻ, oyoqbogʻ bilan bogʻlamoq.

1. Salima oʻz bolasini beshikka beladi. R. Fayziy, Sen yetim emassan

2. Jubaroy qizchasini beshikka beladi-da, oshga unnab ketdi. Oʻzbekiston qoʻriqlari

1. Yuqadigan narsalarga (un, tuproq, boʻyoq singari) botirib, qorishtirib yoki bulgʻab, hamma yogʻini shu narsa bilan qoplamoq; bulamoq, chapimoq.

1. Tuproqqa belamoq. Qonga belamoq.

2. Butun Oltinsoyga mazax boʻlganingni bilasanmi? Or-nomusimizni loyga belading, dogʻi oʻlguncha ketmaydigan boʻldi. Sh. Rashidov, Boʻrondan kuchli

3. Endi eshikdan bir qadam nari jilsang, pichoqni toʻrt joyingga ura-man-u, taningni qoningga belayman. P. Tursun, Oʻqituvchi

2. koʻchma s.t. Boshdan-oyoq oʻramoq, kiyintirmoq; qoplamoq.

1. Shoyiga belamoq.

2. — Voy, ovsar, — dedi entikib. — Men seni zarga belab qoʻyaman, bildingmi? Oʻ. Hoshimov, Ikki eshik orasi

3. Man noshud bolalarni och, sizni kir-chirga belab qoʻyib, oʻzim oltin-zar taqib yuribman. S. Nurov, Narvoy

4. Quyosh yerni nurga belamay, Erkak ketdi janggohga tomon. X. Davron, Qaqnus