даста-даста

1. Дасталанган нарсанинг миқдоран кўплиги.

1. Гулларим даста-даста, Ҳамон сени кутаман. Миртемир, Асарлар

2. Илгарилари ҳўв анови айвонда той-той пахталар, қизларнинг чархи, даста-даста савағичлар бўларди. Х. Тўхтабоев, Йиллар ва йўллар

2. Тўда-тўда, тўп-тўп.

1. Қўшин келди даста-даста, Ясов тортди баланд-пастда. Хушкелди

2. Қўшин жўнар баланд-пастда, Саф-саф бўлиб, даста-даста. Гулшанбоғ

3. Устма-уст тахлаб пачкаланган нарсанинг миқдоран кўплиги.

1. Даста-даста хат. Даста-даста пул.

2. Даста-даста пулни кўз олдига келтирди-ю, пул топиш мана мунақа бўлади, деб енг шимариб, мижоз қидиришга тушди. Газетадан

4. Устма-уст қилиб терилган, тахланган.

1. Токчаларда даста-даста косалар, пиёлалар ва чойнаклар терилиб турарди. С. Зуннунова, Олов