иллат
билан улашинг
1. Тандаги дард, касаллик, хасталик.
-
Дала ҳавоси бутун иллатни хамирдан қил суғургандай тортиб олади. Ойбек, Танланган асарлар
-
Докторга ҳам қаратдик, қизим, дори-дармон ҳам қилдик. Иллат —суякда. П. Қодиров, Қадрим
2. Жисмоний ёки руҳий камчилик, нуқсон, айб.
-
Қизнинг оёғида бир иллати бор.
3. кўчма. Гуноҳ, айб; жиноят.
-
Бўйнида иллати борнинг оёғи қалтирайди. Мақол
4. кўчма Нарсалардаги носозлик, бузуқлик; касал.
-
Ҳамма иллат ўша янги қўшилган запас қисмда экан. Муштум
-
Механик излаб, идорага чопмасдан, машинанинг иллатини топиб, ўзи тузатади. М. Ниёзов, Кампир равот юлдузлари
5. кўчма Меъёрийликни бузувчи (салбий) нарса; қусур, камчилик.
-
Мана, иллат қаерда: айб обу-ҳавода эмас, айб меҳнат интизомининг йўқлигида! Уйғун, Навбаҳор
-
Унинг ҳамма юксак нарсалардан иллат қидириши, обрўси ортган ҳар бир ҳамкасбига танқид кўзи билан қараши шундан эди. П. Қодиров, Уч илдиз
-
Ҳафсаланинг йўқлиги, совуққонлик, ўзибўларчилик қурсин. Худди шу иллатлар туфайли ажойиб боғ харобазорга айланди. Газетадан
ИЛЛАТ сўзининг синонимларини Sinonim.uz сайтида қидириб кўринг.
ILLAT сўзининг лотинча ёзилиши Lotin.uz сайти томонидан тақдим қилинган.
иллат сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
