Izoh.uz saytida kelin so‘zining izohi va ma’nolari

kelin

So‘zni do‘stlar
bilan ulashing

1. Yangi turmushga chiqqan yoki chiqayotgan qiz.

Yangi kelinlarning uyi odatda bezatilgan boʻladi. F. Musajonov, Himmat
Zargarov: Menga qarang, uka Kuyov bilan kelin mening oldimda, hozir boradi. Registratsiya qiling, boʻlak gap yoʻq A. Qahhor, Ogʻriq tishlar

2. Oʻgʻilning xotini (qaynota yoki qaynonaga nisbatan).

[Fotima:] Mana shu Marasulni tuqqanimda, Shu oʻgʻlim katta boʻlsa, xotin olsa, kelinimning hech ishiga aralashmayman, deb niyat qilganman. Xudo niyatimga yetkazdi. A. Qahhor, Ogʻriq tishlar
Qaynona-kelin bir daqiqa chamasi koʻrishib qoldilar. A. Qodiriy, Oʻtgan kunlar

3. Ukaning xotini (aka yoki opaga nisbatan).

Ziyodillaning oʻz oilasida shu vaqtgacha sodir boʻlgan koʻngilsiz hodisalarni ham, oʻz kelinining bebosh boʻlib ketganini ham hazm qila olmasligi turgan gap edi. H. Gʻulom, Mashʼal

4. Oʻzidan yosh boʻlgan qarindosh yoki yaqin kishining xotini va shu xotinga murojaat.

[Ganga] Haydar ota aralashdi: — Kelin rost aytadilar. Menga qarang, kelin, oʻrtogʻingiz menga sizni olib kelishni juda tayinlagan. A. Qahhor, Asror bobo

kelin soʻzi qatnashgan jumlalar:

Kelin koʻrmoq

1. etn. Hayit-bayram kunlari yangi tushgan kelinni koʻrish uchun bormoq (yosh qizlar haqida).

[Nuri] Har hayit uch kungina yasanib-tusanib kelin koʻrishga yurar edi. Oybek, Qutlugʻ qon;

2. Kelinli boʻlmoq, oʻgʻlini uylantirmoq.

Voy, ogʻzingizga yogʻ, oʻgʻlim! Kelin koʻradigan kunim ham bormikin! A. Qahhor, Qoʻshchinor chiroqlari

Kelin qilmoq

so‘zlashuv tili Oʻgʻliga xotin olib bermoq.

— Kelin qilgani bisotda hech narsa bormi? — Bisot deysiz, mening bisotim sizlar-da, oʻgʻlim! A. Qahhor, Qoʻshchinor chiroqlari

Kelinni kelganda koʻr, sepini yoyganda koʻr

Koʻrmasdan, bilmasdan oldindan hukm chiqarma, degan maʼnoda ishlatiladigan maqol.

Kelinni kelganda koʻr, sepini yoyganda koʻr, deyishadi. Olib kelmaguningizcha, ishonmayman. Oybek, Tanlangan asarlar

Qizim, senga aytaman, kelinim, sen eshit

Biror gap-soʻzni toʻgʻridan-toʻgʻri egasiga emas, balki unga eshittirgan holda, oʻzgaga aytishni bildiruvchi maqol.

Uning nazarida, bu gaplar unga qarata, qizim, senga aytaman, kelinim, sen eshit tarzida aytilayotgandek edi. T. Alimov, Sovgʻa

KELIN so‘zining sinonimlarini Sinonim.uz saytida qidirib ko‘ring.

КЕЛИН so‘zining kirillcha yozilishi Lotin.uz sayti tomonidan taqdim qilingan.

Ro‘yxatga qo‘shish

Saytdagi o‘rni

3261

So‘zning teskari yozilishi

nilek

Harflar soni

Ko‘rishlar soni

1060

kelin so‘zi ishlatilgan saytlarni internetda qidiring

Google Яндекс Bing

Siz uchun qiziq bo‘lishi mumkin bo‘lgan so‘zlar

abjir abstraksiya Sherdor Nizomiy Yevrokomissiya abxaz abadiylashtir Boburnoma aʼzam

Alifbo bo‘yicha

A B D E F G H I J K L M N O P Q R S T U V X Y Z O‘ G‘ Sh Ch

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.

Batafsil

Tasodifiy so‘zlar

Hammasini ko‘rish

Yangi so'zlar

Hammasini ko‘rish

Izoh.uz loyihasi haqida

Izoh.uz — O‘zbek tilining xalqona izohli lug‘ati 35 000 dan ortiq so‘zlarning ma’nolari ibora va misollar bilan keltirilgan.

Yillar davomida “O‘zbek tili kuni”ga bag‘ishlab, o‘zbek tilini o‘rganuvchilar, jurnalistlar, tarjimonlar, kopirayterlar, blogerlar va boshqalar uchun foydali loyihalarni ishga tushirishni an’anaga aylantirganmiz. Bizning jamoa Lotin.uz, Imlo.uz, Sinonim.uz, Sarlavha.com loyihalarini hukmingizga havola qilgan.

Batafsil Izoh.uz loyihasi haqida